Jan 25 – Thik Pobitrota!

2 Corinthians 7:1 ami laga sathi khan, itu sob kosom amikhan logote korise. Itu nimite, sob gao aru atma laga moilake phelaikene, nije ke pobitro kori kene, isorke bhoi korikene thakibi.

Hoi sob saman khan laga ekta sima thake, hoilebi pobitro hobole iku hima nai. aru itu pobitrota  pora hi apuni khan ke pobitro pora pobitro bonabo.

Itya, kinaki apunikhan thik thakibo pobitrota te? Itu Isor laga bhoi hi ase, ji pora apuni khan ke pobitro hobole diye Isor Jisu Krista laga Chaya te. Isor bhoi kora manu khan hoile sob kisim laga lobh pora alag hobole pare, aru hodai din pap khan pora polabo aru nijor ke thik kuribole kuchis kuribo. Hoilebi jun khan Isor ke bhoi nakure tai khan nijor ichate bera aru pap rasta te hi ahe. Pobitro kotha te koi psalms 36:1 biya manu khan laga mon bhitorte pap kotha koi thake; tai khan Isor ke charidise aru taike sonman nakure.

Joseph laga jibon ke sabi. Taimki nimite nijor laga jibon ke thik kure it utu hoile Isor ke bhoi kura nimite hi ase. Jitya tai porikha te thakishe tai itu pap khan ke manu laga agete Sanai hoilebi itu pap khan ke Isor laga agete pap bhabna kurishe.

Apunikhan porishe itu kotha te itu verse pora: genesis 39:9 kinika pora ami iman  biya kam Isor laga agete kuribo? Isor ke bhoi kura pora hi jane kitu pap ase Isor laga suku te, aru inika pora hi pap pora polai jai.

Jitya apuni ekta thik  kotha bhabna kure apuni laga monte pobitro thake, Isor ke bhoi kure, Isor hi modot kure apuni khan ke pap pora polabole. Apuni khan Isor ke bhoi kuribo lage aru  nijor ke pobitro rakhibo lage. Aru Isor pora apuni ke tailaga khun pora sapha kuribo aru apunike pobitro rakhi kene  tai laga kotha pora hi bachai kene rakhibo.

Jitya apuni nijor ke thik rakhe pobitro te, apuni khushi tahkibo aru Isor ahibo laga anondo tu jibon te thakibo. Apuni Isor ke haw ate lok pabo, nijor ke azad kuri kene hoilebi pobitrota te thaki kene.

Kile koile amikhan laga Isor tu pobitro te thik ase apuni khan bi nijor ke  thik rakhibole kuchis kuribo lage. Pobitro kotha pora itu bi koi revelations 19: 7 kilekoile bhera bacha laga sadi laga homoi hoishe, aru tai laga maiki itu khan sob nijor laga hath pora korise.

Jisu krista hi girja laga matha ase. Ephesians 1:22-23  aru tai sob saman khan tai laga theng te rakhe, aru taike dishe matha hobole sob saman uporte girja laga, juntu hi tai laga gau ase, taike bhorta kura laga jun hi sob te bhorta hoi.    Kile koile apuni tai laga gau ase aru ekta girja laga bhag ase, kinika apuni Isor  logote mili kene thakibo- Jodi apuni nijor laga pap logote hi thakibo? Isor laga bacha khan, thik thakibi pobitro te  aru nijor ke krista laga Chaya bonabi.

Aji bhabna kuribole laga pobitro kotha tu hoile matthew 24:44 itu karone, apuni bi tayar thakibi, manu laga chokra ninmite jun hi ahi ase utu ghari te jun tu apuni narukhe.