Jan 25 – PURO PAVITHAR

2 Corinthivalun 7:1Premevalavo, apanena ye bachan Chajethi, Dever dhakethi pavitharema purovena, jeevadaman Athmama vojako heryek dosh pheetena apanena dhola.

Kenvathoi yek haddu chakaiko pan pavitharethi rena haddu kajako cheni. Thonthu kanna dholen shudhkarlas jana thu pavitharemathi athipavitharema banchen khushi karechi.

Abba thu puro pavithar kukan rervacha?Christhur rupamema pavitharethi banchen Dever dhakaj thona Nora karricha. Deven dhak padevalo admij ballasochethi Ann apavitharethi doorjan vonvuj pavitharethi banchen jathan karlacha.

Lapan Dever dhakaj chenijako admi set tharar papema padjavacha. Jethi Dever vaath kacha Geeder Grandh 36:1 , Dushmaner daller vundema paap vatheykaracha;vor nanjarema dhak kajako cheni.

Yekhaptha Yosepen herdelalatho vu kankren pavitharethi banchen jathan karlervicha katho vu Deven dhakpado jethi. Vu paap karer avakasha vethithoi Yosep amdithi dhaka pado koni pan dekevalo Deven dhakpado. Vor dallemar vathen hanu vancheja, Agadiyar Grandh 39:9, Athra moto mando kaman athra moto papen Devethi vairir dakal ma kukan karu!

Dever vumper chajako dhak apanen kaikarnu katho nankis paap vathoi vu Dever nanjarema papa ken vothethi door dhasan jayero. Katho kanna thu dallema ma pavithar jeevanen banchuchu kan theerman karechiko jana Dever krupa thona asso velama padanaju pavitharethi banchen sahaya karacha.

Thon mathram ma pavitharethi banchnu kan Dever dhak ghatto tharmai renu lagacha. Jana Prabhuj vor loyeethi thon pavithar karan vor vathethij dhonaken vor Pavithar Athmathi jathan karacha. Kanna thu pavitharethi banchen thonthuj prathista karlechiko jana Prabhu avajana thon seri mundag bhar kadacha.

Vu Prabhu thon modameper bhalan lejavacha. Darshaner Grandh 19:7 vachanema kaju, Apan anandethi khushiran Prabhuna sthuthi kara;gorlir pillar vayaar vagath ayocha;vor navaleri vona sangarlidicha kan kajena samalo.

Tharo Dev pavitharethi chajegali thu sada pavitharethi banchen prathista karlenu.

Ajji jada dhyan karen pado Mathai 24:44 Tham kelenijako ghadima manikyar beta avacha; jethi tham sada sapadan ro.