Jan 21 – PURO BAROBAR SUNDER

Geeder Grandh 50:2Puro barobar sunder chajako Siyonethi Dev jhankrocha.

Puro sunderethi thu aang badan javnu katho tharema vu barobar sunder dakavnu lagacha. Vu Christhur rupamema dikavajako Dever sunderpan. Ajjek thon dekajana Christhur rup tharema barobar dikavnu. Sunder kajako yee vather aratham bhaar dikavajako ann vu yee lagadjana dikavajako sunder koni pan vu dallema sunderethi rervadi malam karach. Apostle Pethru hanu lakkacha (1 Pet 3:4)

Hall veniju sangar vajako saan gunan, aramer Athmar daller gunaj, thamena sangar vena reda; vuj Dever nanjarema ghano moler cha.  Dever bepta yee arameran sangarer Athmama rero ghano acho. Aramethi rero vu Dever sunderer gun vencha. Apaner Prabhu Yesu Christhu vadi vanchatho Vu yek aramethi reval gorlir pillar nai vetho. Kethi apan sada katha mundo bhrlenu ko votha mundo burlenu.

Apaner Prabhur vacha shasthrivon Pharushival chanalema hathayijako yek beeren laan hanu puchey yee beeren kaikarechi, jana Yesu bapu hano vuthar dino “thamema kunvatho paap kidekonthiko vo agedi bhata naakeda kan” Kotho seji naan mot vo beeren chonaken bhata het beganaken dhasgey. Jana Yesu Prabhu Aramethi vetho. Vuj dallemar sunderpan kacha. Yema dayathi bharan chajako sunderpan vu dayathij Chanalema hathayijako beeren siksha padanaju kideecha.

Thodsek manikya mundo vagadatho paran burer malamcheniju gachab vathey karukaracha. Jethi Dever vath kacha ( Gener vath 10:19) Jada vathema paap cheniju reni;pan vor hoten burlevalo akkalevalo. Jesaru thu aramethi reran sathviker Athma chavnu kan Prabhu na araj karan palenu.

Sunderethi rema badan javnu katho agedi thu Christhur achpanen dhyan karnu.  Vachanema Christhuj puro sunder ann remevalo cha kan kacha. (Paramer Geed 5:16 ann Paramer Geedemathi 6:10 )

vachanema  Vor mundo masaj meeto cha. Vu jhankervenijathra jada cha. Yerushalemer kuvarivo yeej mar premevalavo ann mar dosthidhar cha.. . Athra sundary chajako yee kunkethani vu sunderethi chajako Prabhu puchrocha.

Mar premer Dever beptavo tham kanna Dever pagema godivalan araj karan vor sannidhanmema revatho apaner mundo sada Prabhu ma chajako sunderpanethi jhankach. Jana Prabhu thona sunder pan kurachko malamkaran thon dekan anand pavacha.

Ajji jada dhyan karen pado Paramer Geedey 7:6