Jan 18 – “DAADENA DAAD JORENA NAVVO KARLENU”

2 CORINTHIVALUN 4:16 Jethi ham hinjar jamani;hamar bharer manikya halvena, mayir manikya dadena daad navvo vejarocha.

Mar janena jeevena ann athamana Prabhu na puchlatho jana Prabhu thona navvo jorethi bharacha.Vachanema mayir manikya dadena daad navvo vejarocha kan kacha. Thar mayir manikyana navvo jorethi bharevasu Prabhu dee kaam karevalo cha. Yek kaikatho Baptism, yethi yek manikya juno jeevanema maran pharan viswasethi Prabhur sath navvo srusthi nai vucho vuter. Deemo Pavithar Athmathi Abhishek payero.

(Tithu 3:5) vachanema Apostler Paul kacha, Apan kidejako niyather kamervadi vu apanema rakshan kareniju, Vor dayarnai pher pedaver doobajethin, Pavithar Athma navvo karajethi apanena rakshan kidocha.

Thu kannavatho Christhur mayi ayochikatho jana thar juno jeevanen ann vor paper vatensejima margojethi saman venu. Athraj koni pan thu panima dhorayochikatho Christhur maranethi, masanema ghalayojethi ann punarusthanmethi bhalgochikan aratham. Vujvagathema Dev thona Pavithar Athmathi Abhishekmethi bharnakacha.

Thu thar joren dadethi daad navvo karlero vu Dever chitham vencha. Pavithar Athmar Abhishek Dev thar vumper talavunu kajako yek vuddeshmaethi. Hano thu Abhishek palinojethi Deverema yek bhag vejachi ann thuj badlavni vejachi.

Jethi vachanema dekatho  ( 1Corinthivalun 6:17) Hanuj Prabhur sath bhalan revaloi vorsath yekkaj Athmarocha.  Yek daad John Wesley bhakthiden yek  report devalo hanu pucho, “sir abba chajako sey churchivo burajavatho athra jada malavo thar meetingsena ayen kai rahasyam cha? Yen thar rahasyamer vath kai cha”. Vona John Wesley hanno samadhan dino, ” Dek sir ma  puro mar joren navvo karevalo Pavithar Athmana haval karlinochu. Vuj jor maremathi kukan bharavachakan deker vasuj jann avachaken ko”.

Mar premer Dever beptavo thar mayir manikyana jorethi rakaldenu ann athmik  vadi joren navvo karlenu kelerochika? Atho dayakaran Pavithar Athma thar vumper angarernai vundayervasu thar dallema jaag da. Jana Prabhu thar jeevanen navvo karan thar dallemar asana puro karacha.

Ajji jada dhyan karen pado Yohan 14:17 Jagathi vu sather Athmana dekeniju valakeniju chajethi vona palerveni;Vu thamar sath vassan, thamar mayi rachajethi, tham Vona malam karliyo.