Jan 18 – Ranaptin Adtabmeben dete!

“Anlen a baiyera taramtam- s’zdle janang den, a l’ung taramtam dile dinna tabme ganadelan dete” (2 Korintia 4:16).

Angante amben agarberten Kitungan amangba Janggardaben, pwradanben do j’enben adtabmeben asan – Anin kuddub tabme abmele. Tabme ranaptin do asuyeman Anin tiybenten. Bibolan janang gadlamlangten alungmaran dile dennan tabme ganadelan dete.

Kitungan bagu baran lumte alungmarben adtabmeben asan. Aboi ate Tabubdan, itente papwr mandrengna kahidankahidle tabme ganadelan deben dete, derna-lingan. anab-bagu ate Marid Janggardan batte a janababan. Anappai Pol gadlamlangten bangsale: “ranoitad lingan anlen a lanum baran asan ted, bindo Anin a tam asuyeman ambrij Marid Janggardan a barkudan do rong ganadelan a anumanan batte Anin ablulalen” (Titas 3:5).

Angante amben ayirtai Kristun amangban, papwr taramtamben kahidte, do apurban a pintunji janang. Kun sattang ted, d’ongben ganijdan dele Kristun a karahid-d’an batte, a tanulan do a harmengan-lingan. kun ayamling, Kitungan Marid Janggardan batte barij abmebenten.

Kan ate Kitungan a itsuman amben ranaptin adtabmeben dete. kun asan na Anin mangbaben Marid Janggardan appailai. Angante amben Marid Janggardan batte barij adete, amben Kitungan batte aboi adele do banandan ahangle. Bibolan gamte: “Bindo butente Kristun ampara maiten, anta mandra Anin ampara abo janggardan dete” (1 Korintia 6:17).

Amben pedde amdangle Jon Wesley apsele, anin aboi Kitungan aboantan dakule. Bo denna bo mandra a d’ongan anualan ualle: “Agya, kuddub sarebasingan igadanigadle idjaja perjenan erpanglaben soba linam agobtenji iten hangdrangan daku?”. lanagadan batte Anin adyerberle: “Agya, Hen surpidamlen Marid Janggardan batte ranapti adtabmele daku. Do mandranji yirtaji d’ong-hen agijben asan yangam ranaptin baraten gamle”.

Tanahimdam Kitungan a onagji, amben aoskailenpo alun-marben ranadun hangete gamle do janggardadage amandrengna adtabmeben asan? Marid Janggardan a togi manglingben ayirben abmele oskainaba. Do Kitungan d’ongben adtabmele kuddub ranaptin tiybenten itente amben uggar-ling-ben asaite.

Okiy Kinolbe absele: “Manan, Janardin a Janggardan na. Anin a d’ong ordaran rapti ajjae, iten asan gamlenden ordaran Anin a d’ong rapti aggije, orde Anin a d’ong rapti aggalame. Bindo amben Anin a d’ong a galame, iten asan gamlenden Anin amben ampara daku, do mang-ling-ben dakuten” (Jon 14:17).