Jan 12 – NAVVO NIRMAN

2 Corinthivalun 5:17Jethi koi yek Christhuma ratho vu navvo srushti cha;juno dagargo yidek sey navvo vegicha.

Kunvatho puro dallethin ma navvo nirman venu kelachko vunden Yesu Prabhur vadithi yek navvo srushti vejavacha. Vuj Yesu Christhu thar juno jeevanen sarinaj dhonaken navvo jeevanen devacha.

Yesu Christhur mayi avajanna thu Pavithar katmalema bhaljachi. Janathi thar jeevener banchavni soli badlavni vejavacha. Christhur jeevano bancher vasu Dever vathen padero, achethi araj karukarnu.

Yek haptha thu Christhur mayi ayochikatho jana thon chajako pisar asa reda ann kunsi tharar jager asa rathoi sejini chonakenu. Hano kanna badlavani vechiko janaj thu jada Bible padema ann araj karajema badan jayechi.

Vachan hanu padacha Ephesivalun 4:23-24 Thamar dallema navvo Athmar vaalven, saaso niyatheman, pavithreman, Dever sayama srushti vojako navvo manikyana perlo.

Hano renu katho thar manas ach sochethin, thar dallema hamesha Dever vathethi bharavnu ann thar mundema hamesha araj karer jeevano renu ajji thu Pavithar Athmathi pavithar jeevano banchen thayar venu. Janaj thu navvo srushtir dakal nirman verviye.

Ajji jada dyan karen pado Colossivalun 1:28 Heryek manikyani Christhu Yesuma puro vaddejer nai thamadena, vonaj han prachar karan, heryek manikyani akkal ken, heryek manikyani soli genethi prachar karrecha.