Jan 12 – Tabme Ganadelan!

“Anten asan bogad buteja Kristu lingan dakulenden anin tabme ganadelan na. Papwranate s’zdle, do gijba tabmeate gadelle.” (2 Korintia 5:17).

Butente Kristun amangban yirtai, bo bangsa gananludan batte, Anin orde buteja tabme garadilan delenden Gamangtungan batte. Gamangtungan Kuddub papwr taramtamanji gosodle kuddub tabme abmete. Angante amben Kristun Jisun a d’ong ajate, amben marid birinda-lingan ayir-rai. Kun batte, tabme taramtamanji do mandrengnaben bandaten manaridan sanle. Kitungan a berna kznolle do garberna mangben saring ranabangan dete. eteden amben Kristun mandrengna abhanale arabtite.

Bo tagor amben ayirlahenden Kristu amangba, bitin, er hangdranganji, anabkalkalan saring do pintun saring anuran ahangte. Eteden amben tabme garadil-lingan ahaten. Angante amben ayirtai Kristun amangba, amben yangan ajijiten orde yangam abhanate, kudduban anabhanaben bandaten. Bar amben Kitungan aberna akznol-ling do garberna-lingan atiydamten.

Bibolan gamte: “monaben j’enben bartabmeba, do tabme mandran lingan hanaba itente Kitungan ranoitadan janardin do manaridan batte gabdilbenten” (Episi 4:23-24). Kan a janggardan monna alung marben bartabmeben dete. j’enlingben marid janggardan batte barij deben dete.

Bo surda dainan hangle Kristu mandrengna-ling-ben, aparamangtan do boi boi murdaman aberna j’enben bangsa anogalan barij deben dete. anab-bagu Kitungan a bernanji barij debendete. Anab-yagi garber janggardan batte barij deben dete. Do anab-unji, marid janggardan a ranapti batte amben manaridan adebendete. Eteden amben dile denna Kristu lingan, tabme garadilan batte adakuten.

Anlen gijle raptitabe jajingante a s’inganji, Marid Bibol-lingan. Ateng mandranji itsumteji garbernaben apsele 5 orde 10 minutes, kan ambrij aninji. Aninji adtiydamneji Kitungan atimangba, Marid Janggardan batte barij adeben asan. Kan asan na aninji janggarda-lingan abmarangaji.

Tanahimdam Kitungan a onagji, Kitunglen ayirtaih apsele atuyaling asan, amben mandrengna ling ben lippan atan’ar barij debendete. Kitungan jabable do ajanggardan anabsittan tiytaben. Kitungan anindaman m’oihten U’an Kitungan batte, amben m’oihling araptite ambendaman do amben marid do mardir adete Kitunglingan.

Okiy Kinolbe absele: “Kuni a Kristun abmele anlen a oblengtai, do barij banuddin batte dile mandran a d’ong abkilkiltai do dile mandran a d’ong a hanghangtai, yante gamle Kitungan amangban Kristu lingan hadabloge, gamle dile mandran a d’ong anlen rapti a tabnangtai.” (Kolossi 1:28).