Jan 11 – NAVVO DHAASANI

Philippivalun 3:13-14  Bhayiyo, vona aangaj pakallodo kan ma keluni;pan yek karuchu; laar chajen sey bhoolan aang chajen asa kartho , Christhu Yesu ma Dev balayojako paramer balavnir dhaasanir phalevas, vu gurina dektho sudho dhasrochu.

Thu kanna vatho Christhur mai navvo Srushti vejachiko jana thona yek dhasani racha, dhasen vaat malacha, vo vatema yek gurithi dhasnu. Jethi thu laar chajen bhulan mundag chjer saru mundagaj dhasnu lagacha. Jann Hall  vejayer vatema haalvejavajako kirita malnu ken dhasu Karacha.

Yek prashamsha ker Greek deshema dhasajema yeklo acho dhasojethi von ach ach phulethi Ann paanethi alankar karmelejako Hall vejayer kiritana perayethey.Pan thu hamesha reval kirita saru dhasarochi. Thar dhasani vejavajerpacha Dev kannai Hall venijako niyatheran mahimar kiritana peran dacha.

Apanethi mundag masaj bhakthidar vunden Dev dinojako gurima mundagaj dhasnakey. Aaj sada avada moto gavayir malav, vadalernai apanen gheran chacha. Atho yee dhasanina kukan dhasanu?  Sasi kenukatho yee navvo dhasanima sheet thara cha.

Agadiya thu laar chalijena bhuljavnu Ann dusar mundag chajako batema asathi dahasnu, jannaj Dev thona jayamen dacha. Agadiyar Grandh 19:26 vachanema dekatho Lothu vor katmalo Sodomer nashemathi jathan rervasu yek gatlan dhasan javo kan Dev kotho vor gonni hoto pharan dittithi jannaj vu nuner sthambha vegi kan dekacha. Dever vath kacha Geeder Grandh 45:10-11  Beti samal;thar kaanden soskar;thar khaas jannenan thar baaper gharena bhuljo. Yee Raaj thar Prabhu Vu thar kubsurathena asa karacha;von navan kar. Saasi thu Yesu asakarju banchnukatho thu Adamer juno vaten chonaken avnu.

Yisraeleval Vunder guri chajako Canaan Dev sogan khathanu dinojako deshen jayen dai ayejana voseji Aigupthema chodan ayejako kaanada, marcha, nasanena ajjikenkenko herdekarethey. Yeseji haal vejayeraj jethi vundema kunithoi vo soganer deshema taang meler vikoni. Lapan Yesu Christhuj hameshan rer heriyar bagema revnu kethanu thar mundag navvo dhasanir vaten vagadan memelmelocha.

Mar premer Dever Bhayiyo, vona aangaj pakallodo kan ma keluni;pan yek karuchu; laar chajen sey bhoolan aang chajen asa kartho , Christhu Yesu ma Dev balayojako paramer balavnir dhaasanir phalevas, vu gurina dektho sudho dhasrochu.

Ajji jada dhyan karen pado  1 Corinthivalun 9:24 Ramthima dhaseval sey dhasacha, Pan yekloj ramthir phalena palachakan malamchenika? Jethi tham phal payevalernai dhaaso.