Jan 11 – Tabme Abrijna!

“E buhanganji, hen andreng antate hamlai, gamle hen adnogallai, bindo bo baran lumtai, manan, itente itente andreng dele, antate er ayimlabe, itente itente endrang de-e, antate apsele abjunsile, Kristu Jisu lingan Kitungan a ruang ganudingan a uhulkuijan apsele a sanengseng darakunaban hen aduduge abrijten.” (Pilippi 3:13-14).

Angante amben Kristun lingan tabme ganadilan adele, ambendaman ahangte abrijnaben apsele, tabme tagoran abrijna abmele, do tabme sanengsengan. Anten asan, amben karidaben dete kadungbaben itente daku do tabme sanengsengan batte do mukkababen abrijnaben dete.

Ordaran a mandranji ordardage a ranubab a hangben asan saile dakutenji. Kunina ate abrijnaber, daina ahangten a mandran langa tarban do olan batte gabdile adrubable apemengteji. Bindo amben adrijtenan ate erahid mandrengnan ahangben apsele. Abrijnan atiki ahangte, gamangtungan tiytaben ranoitadan a ranubaban, gugudage aranubab do erahidan ate.

Kotelingan ateng badloyim-maranji daku anlen apsel adrijlingji aninji. Nami janang anlen ayeryermanengbanji daku ayengan amandranji takudle dainan hangleji abrijna-lingan, tarub darakunalingan. Bindo yangam ambendaman abrijten kan adrijna lingan? bagu bigarda adrijnaji daku. anab-boi ate kandungbalen saring do anab-boi ate mukkabalen saring. Kan ate batte, amben dainan ahangben dete abrijna lingan.

Apwrba denna-lingan, Lot a birindanji arabrabdamnaben asan baruban abrijlingji Sodom saring. Bindo Lot a intslon adkaridad a kandungban adakulen ate. Anin gijgijle akandunban, do anin gadile basud-sunan (Aparamangtan 19:26). Bibolan gadlamlangten: “E rajan a sidrungboi, l’ud-nam daludle amdanga; mandra-namji do kulam-namji a d’ong kareda-a. lananggi-nam asan rajan mang-ling-namm’oihte; anin na gamang-nam, anten asana man anin a d’ong a menneben dete” (Sanenken 45:10-11). Anten asan, bogad mandrengnaben Kitungan Jisun amangban derdernetenden, etden amben akaridaten papwr pintuben adam saring ayiraih ate.

Israel maranji aninji Misor saring Kznani hanagod lingan dakuleji. Bindo a uggar-linganji, aninji ajumlenji ate ayimle dakulenji lau, palu-anasurda do anasurdan itente Misor desa-lingan. aninji aduben asan kun desaban, buten-buten ate adule adraptiadji ajanibjiban desaban. Nami anlen mangbale ruangan a s’ing do erahid man’oihan. Do ruangan arajam anurungan delangten Jisu Kristun batte.

Kitungan a pasijanji, kandungbaben ate karidabente do sanengsen darakunaban arduba, do uyulkujan ahangben asan abrijnaba Kitungan Jisu Kristun a d’ong gudinle.

Okiy Kinolbe absele: “Bute bute garatasi yarzrna- padda lingan yzrtenji, aninji kuddub- anji yzrtenji, bindo, bo mandran maih uhulkuijan hangte antate amben aggalame po? Ette jongong yzrnaba, yante gamle amben uhulkuijan rapti a hangte.” (1 Korintia 9:24).