Jan 07 – NAVVO AGNA

1 Yohan 2:8 Vujji Ma navvo agnana thamena lakrochu;yee vormayin, thamarmayi saas cha;kimkatho-andharo cheti verocha;saaso vajalo abba jhankrocha.

Yetha Apostle Yohan navvo agnana derocha. Kanna apan vo navvo agnama chalachako janna apaner jeevano badlavni vejavacha. Andharer vaat dagarjan navvo  vajalo jhankacha. Navvo agna navvo vajalema lejavacha. Juno agnavo Mosey vadithi Yisraelevaken Dev demelocha. Voseji Adamerdakal hoto pharero ann mathro karlevaler nai ra. Bayarnai ann achethi banchero malamchenijako hinen Dev nevema ann agnama chalayocha.

Jann seji vunder yishta avaju bancharejakonen, Agadiya kukan banchnuko malam karer vasu Dev dass agnavun dino. Yeej nevethi ann agnavuthij jann seji palanama vethey. Kunvatho agnan vadi chalekoniko vunderlaar sarap lalinethey.

Lapan apan Navvo Kararema amatho yee navvo agnana apaner Prabhu Yesuthi prem kajako agna laayo. Vo dass agnavun dee agnarnai Prabhu Yesu dinocha vo kaikatho Agedi thar Deven puro dallethin puro jorethi prem karnu ,ann deemo Thar dakal thar pakthimaren prem karnu kan ko. Yeej Yesu baapur vadithi ayeejako navvo agnan navvo bhodha.

Ankirsava anki, daanthr sava daanth jeeversava jeev lelenu kajako Juno kararer vaath. Pan Yesu baapu  ko tham thamen vela ghalevalen ann  thona thatta karevalen prem karnu kan kocha ajji vunder vasu araj karnu kan sikhayoch.

Kanna thu Christhur kann achiko jana nevethi koni pan prem kajako agnathi palan karacha. Thar vairin premkareroj agadiyar kaam chakan bhoolmath. Kasen katho thar vadi Yesu dekalojako premen herdelalen vuj preethin dusaren sada dekalnu lagacha.

Mar premer Dever beptavo abba tham navvo kararer dadema bancharecho. Yesu Christhuj thothi yee karar karrocha. Yee navvo kararer vacha hubojako Yesu Christhunaj soli maana mahima veda. Dayakaran tham Yesu Christhur moto premer gali ghano stuthi aradhana karnu kan dallema sochkarukarnu.

Ajji jada dhyan karen pado  Hebrivalun 8:8  Vundeper dosh daalan vunden yidek Prabhu kerojako kaikatho- Yisraeler katmalethin, Yudhar katmalethi Ma Navvo karar karer daad avacha.