Jan 06 – NAVVO NAAM

eshaya 62:2 Jann sey Thar niyathen valakacha sey Raaj Thar mahimana dekacha Yehova padajako navvo naam thona melmelocha.

Prabhu Vorvuj thona yek navvo naam demelocha, vu namethij thu balamagavasjana Yehovar hathema kiritanai peravacha Ann Dever hathema Rajyam chalayer  kiritarnai rakadacha. Mar soch kaikatho yekahaptha Christhur mai ayechakelatho apaner naam ashishethi chajako Bible naam paldenu Ann agediyar naamethi balaler aachokoni kaiko kan.

Thodsek kai karachkatho devidevathar namethi ma Christhur sam masaj manikyan akarshith karuchu kan pan yee chenijako vathvenachaken Dever vachan kacha ( 2 Corinthians 6:15) Christhuthi Belialen kai dosthipan cha? Aviswasithi viswasin kai vento cha? Bhakthidar Eliya Carmel kajako gatlaper hano ko “kathra daad tham Dee socher vacha rocho? Saso Dev Yehova ratho Vorsalaar javo nathkan Baalelaar javo! Jesaru apan apaner socheper thamjayero aachokoni.

Kanna apan Dever katmalema ayechako jana sejini navvov Karlenukan Dev asa karroch (Darshaner Grandh 3:12)  jeetheyvalena maar Dever  devalema yek thooni karuchu;vothethi vu kannai baara jaayeni;ma maar Dever namenan, swargema mar Dever dayithi vutharan avajako navvo Yerushalemer mar Dever sharer naamenan, mar navvo nameni voper lakkuchu.

Masaj viswasivo jayamero jeevano banchrekoni kaivasukatho vo viswasmema ayejana vunder naamen badlavni karlidekonthi. Voj devidevathar namethi saraper jeevanema banchrecha. Yemathi thu bhar avanu. Kanna thu baptism lelinochiko janaj thar juno namen badalnaken Dever katmalema avanu.

Jethij thu yek achas Dever vachanemar ashisher namena paldenu. Mar Dever beptavo thu navvo srushti vegojethi thona ghano velabhaveti avacha, vunden Khamen sidhanga renu. Kanna Dever mahiman Herdelalechiko janan thar Vela vo mahimar aang bhavishyathema kai kaamdeni jethi thu Dever namesaru khamen thar dallen anandethi rakaldenu. Thon Dev yek navvo namen padmelocha vo namethi balalero ghano ghanathar vaath.