Jan 05 – NAVVO ATHMA

Ezekel 11:19…Ma vunder jeevadamathi bhatasarik dallen kanaken lvaler dallen den, vunderema yekmanner nai karan hunema navvo Athmana pedakaruchu.

Navvo anubhavalethi bharavnu katho yek Christhuval aado javanaju mundag sudho chalnu lagacha. Ezekel 36:26 vachanema dekatho. Navvo dallen thamen dunchu, navvo swabhavmena chalavunchu. Ma vunder jeevadamathi bhatasarik dallen kanaken lvaler dallen devunchu. Pavithar Athmar vadi avajako Navvo abhishekmethi thar dallen bharlenu.

Yek kaacher taparo gasethi bharamelivatho,vona vundo pheran taal karesaru voma pani vundanakatho vishachajako gas bhar jaan acho gas bharan racha. Hanoj thar dallema ballachajko seyji bhar javnu ann navvo dallen pavnukatho Dever Athmathi bharavnu.

Mathen taalo rakaldero aachokoni. Vimochaner vagathema daaru piyero, beedi piyero ann jada neendema jayero yesejithi thu doorvenukatho thar mathema herghadi Dever vathethi ann Pavithar Athmathi bharan renu.

Jethi Mathai 12:43-45 vachanema Yesu baapu hano ko Ashudhathma yek manikyana chodan javajer pacha, pani chenijetha phar paharan aramena dhundani malokonijana;ma choddhen ayeejako mar gharena hoto pharan jaavukan kelen, votha aan vu ghar taalon, bharan sangarlmelejena dekan, hoto jaan vothini maandi dusarey saath Ashudhathmana vor laar balan laan mayi jaan votha vassacha;jana vu manikyar anger sthithini, vor laarer sthithi ghano mando vacha.

Hanoj yee maand peedivaleni chalachakan ko. Jethij yek admin Pavithar Athmathi Abhishek palen jada anubhavamema chalayer ghano avasyam vencha.