Jan 02 – NAVVO DAAD

Valarar Grandh 5:21 Yehova hamen thar saam pherastho ham pharacha, hamar penar daadevun paran hamen laan denak.

Yee Yirmiyar araj, araj athraj koni pan penar daaevun paran dakan puchleroch. Yekhaptha vo dadevun herdelalenu. Devaj asmanen chodan dharthiper siyer dadema chalan ayojako, Devaj manikyathi sahavas kidojako ann manikya Devema anand payotho.

Yek motiyar beta vetho vona premkarer yadibaap bhayi bheneval vethey. Vu Devema acho Pavithar jeevano bachrotho ,vu kannavatho  motiyar vummarethi aangabadan jarothoko jana balla dosthivaluthi ghano paap karelago aakharima vor peta putan maraner anchuma dagaryayo janna vor penar daaevun derdelalen vu kasseko Devethi bhalan vetho. Deven hano puchan royo, “Dev mar dadevun navvo kar”.

Yek sevakarevalo ashish karen vachan padan Yirmiyar Grandh 18:4  kichderdhoodethi kammar thayar karrojako haandi phutagijana, vu kammar phutagijako handina vona khathrer nai paran thayyar kido.

Thar jeevanema heryek daad bhee Dever dayathi malijako chakan bhoolmath kankren katho yee daden dekeniju kathraiko admi margech. Thu banchan chijako yee dadema anandethi Deven sthuthi karnu.

Jammi aakar cheniju taalchajen dekan Dev yek kramamema layo. Haal vethani jarojako manikyan Dev vor premethi vo penar dadema chalayervasu Devaj manikyar nai dharthiper athanu kramamema layo. Mar premer Dever beptavo vu Dever achpanen kannai bhooleniju thar penar daaevun herdelalen Deven aradhana kar

Ajji jada dhyan karen pado 1 Pethru 3:13 Tham bhalyeer laara padeval vatho, thamena bhurayi karevalo kun?