Jan 01 – NAVVO VARAS

Geeder Grandh 65:11 Varasena thar balayithi pankdina perayochi;Thar vaat sey aach cheejethi bharan cha.

Heryek dader manna kajako yee Dever vathevun samalan anand parejako thamena yee navvo varaser achboli kunchu. Apanen ye navvo varasema chalayojako Deven sthuthi karruchu ann  dhanyavaad kunchu.

Vuj Dever sannidhima yee varasen shuru karasjana dayathin achpanethi bharan chajako ,ann pani vundavajathra Dever ashishen thu palees. Apaner Deva harobharo ann bharur ashishena ann thon chavnujako ach chejevuthi yee navvo varasema chalaye.

Apaner Prabhu 2022 varaser dayar pankdina peranakoch. Sukhbatti gheeyema padiju thu chalajako vaatema navvo varaser acho ann puro venijathra ashishen payechi. Jesaru Dever pagema tharvas gokan melmelojako ashishen pavajethanu ghasan dekukarnu.

Gheeyen khayen aacho racha ann balamen dacha. Ajji the person nai vadeja. Yee ghee kajako vather aratham paramethi moto ashishen payero ven cha. Sreshtamero ashishen thar vumper vundavnu ken Dever asa. Yee navvo varas Dever ashishethi thar jeevanema ayed. (Gener vath 3:6) vachanema dekatho thar chaalchalanema sey Vona manla;jana Vu thar vatena sudho karacha.

Kanna Deven herdelalen thu thar chaalchalanen Dever hathen haval karlechiko jana Dev thar vaten sudho karan savukarpanethi ann ashishethi bharacha.

Daveeed Dev dinojako ashishen herdelalen vor navvo varasen Vuj Dever hathen haval karlinoch. Hano thu sada kanna Deven thar thuj haval karlechiko jana thu been Dever navvo varaser dayar pankdina, achpaner pankdina, krupa kajako pankdina peranakacha.

Mar premer Dever beptavo Dever asmaner phoj thon ghano ashishethi yee navvo varasema chalavnu ken ghasan hamesha dekukaracha jethi thu thakkjomath just thar mundag chalevalo Dever saam dekan Vor vatem khushithi chaal.

Ajji jada dhyan karen pado Hebrivalun 2:7 Thu Dever sojathi vona thodsek halkokidochi;mahimathin ghanathathi vona kireetana peran, thar hather kaameper vona hakkamena dinochi;solina vor pagger heta kidochi kan ko.