Dec 30 – DEVER SAMADHANER VATEMA

Luka 1:79  Apaner pagena samadhaner vatema chalayenan,Dever moto dayathi vuparethi ayojako suraj apanen darshan dinochakan ko.

Sey Dever vata apanen acho samadhanethin anandethi chalavacha. Dever beptavuma theen vadi samadhanethi renu, yek Baap chajako Devethi, thar pakthima chajako manikyathi, Ann thar thonaj.

Agediayar Devethi samadhan renu, vachan kacha, (Romavalun 5:1), jethi apaner viswasmethi niyathedhar vegejethi, apaner Prabhu Yesu Christhuthi Devema samadhan paldecha.

Deemo kaikatho Thar pakthima chajako manikyathi samadhan renu, thar dallema kerivumper thoi rees rathoi, vu katho mann padeni kelajako yesjini pakthin melden vunder dai jathanu samadhan padanu.

Thon bhoothethi sava ajji kethi bee vairy renu koni. Apaner Prabhu Yesu Christhu samadhan devalo rajero Raj (Yeshaya 9:6) Shiloh-shanthi devalo( Agadiyar Grandh 49:10) Micah 5:5 samadhanen  dacha. Ajji Dever vath lakan cha (Ephesivalun 2:14-16) Kimkatho Vuj apaner karanven, doyi pakthivaleni yek karan, vyarir nai taalojako aado godana phodan , agnar dharamshasthrena Vor jeevadathi Hall karan, doyi pakthivaleni Vormayi yekkaj navvo manikyar nai pedakaran, hanu samadhan karan, vyarina siluvathi marnaken vothi doyi pakthivaleni, yekkaj jeevadar nai Devena raji kidocha.

Theenmo vaath, thona thuj samadhanethi renu, thodsek admi vunder galath manaser vanchethi rathan diye soch karukaracha. Vundema voj samadhanen gamalen vunden voj maap karleni. Vo kai kelach katho arey hano vathey karervethi koni, hanu nakarnukunika kan mando kelacha. Ma kidojako galath kamer vadithij abbethanu mar jeevanema athra ghosa kharochu kan kannai kelukaracha. Lapan thu yek viswasi ren yeseji vadi Prabhur pagema padan royer Athmathin ankir hasuthi paschathap padanu. Kanna thu hanno araj  karechiko janaj thu Devethi samadhan lelinochi Ann thar sey papen maap malgicha kajako viswas tharema avacha.

Jannaj yee jagema kuni denijako samadhanen thu Devethi palechi.Yohan 14:27Samadhanena thamen deden jarochu ;Mar samadhanenaj thamena derochu; dharthi daju Ma thamen derokoni; thamar dall ghabrayeniju, chamkeniju reda.