Dec 30 – KITUNGAN A SANABYUGODAN!

“Yante gamle lungudan do karahidan a lugngu lingan a gobten a mandranji amang linganAnin abpuangte. Do sanabyugod lingan abanjengtalen” (Luk 1:79).

Kuddubgod   lingan   saring   Kitungan   sanabyugodan   do   man’oih   lingan   abanjenglangten.   DileKitungan a passijanji yagi sanabyun a berna a gijba. Anab-boi, U’an Kitungan a sanabyun.Anab-bagu, Mandradage a sanabyun. Do anab-yagi didargam sanabyun.

Aparmangtan lingan do boi boi murda-dage a bernan ate Kitungan a sanabyun. Bibolan gamte:“Anten asan anlen dernan batte ranoitad danisaman a delen asan, Gamangtung-len Jisu Kristunbatte Kitungan ampara sanabyu-len daku” (Romi 5:1).

Anab-bagu lingan, Mandran batte a sanabyu sanaisai. Bogad manglingben danuaihan orde erbangsan dakulenden, aninji ampara tanamadan argarle artarmadle himainaba. Buteja asangem-marbenji dakudongete sonuman sadan sadle.

Kitunglen Jisu Kristun sanabyun a Raja (Jisaya 9:6), Silo sanabyu dane maran (Aparamangtan49:10),   do   sanabyun   pangtai   (Mika   5:5).   Bibolan   gamte:   “Iten   asan   gamlenden   ayengan   aMandra kun bagunji, aboina, gamle abme-eten, do a tarangdi lingan a anabbera a danagdanganabpalangeten, Anin na sanabyu-len.

Anin a d’ongdam lingan anta arasanggeman, manan, anordeanidol  banaihberanji   a nosaijan,  kayatingge   abme-eten, yante gamle   kun bagunji a   panardunAnindam lingan bo rong mandran a d’ong gabdelan gabdelle, ettegoi sanayun rapti abmete. BarAnin arakaddangan batte anta arasanggeman kabhidan kabhidle kun batte anta bagunji bo d’onglingan Kitungan apsele rapti abmainate.” (Episi 2:14-16).Anab-yagi lingan, sanabyu sanaisai didargam-lingan. janjingante amandranji anogandinji dakutetogal do tamba. Alungj’e lingan a sanabyun abs’idle do aninjidaman tamadle adnar-rabteaji. Kanambrij orde kun ambrij anlen adnarberbe gamle anogandinji dakute. Kuddub kanalkalan batteaninji   ogandile   dakutenji,   do   aninjidaman   abdusadamtenji.   Bindo   dernamaranji   asan,   ambenadyerj’enaben   dete   kuddub   pintunji   saring   do   kuddub   lanumanji   saring   do   surpidamnabaKitungan   a   timangba   do   janggardan   batte   abhananaba   garberan   batte.   Bo   tagor   ambenalumlenden, uggarlingben deranan batte gugudage kuddub pintunji saring tanamadan ahangte.

Etteden amben Kitungan atiybenten a sanabyun batte barij debenten, itente ordaran adtiyben.Kitunglen  Jisun  gameten:  “Hen amben   ampara sanabyun umdrengtai.  Sanabyu-Hen tiytaben.Engale  ordaran  tiyte,  ettegoi  Hen  attiyai.  Uggar-benji  galaih  piyaihge  dedongete,  ordebantongdongete.”   (Jon   14:27).   Tanahimdam   Kitungan   a   onagji,   Anin   sibdaiberle   bo   surdasanabyun. Do Anin na bangsa gupamar do tagorbenten dile denna mandrengna lingben. Anintagorbenten sanabyuban.

Okiy Kinolbe absele: “Ayengan a amndran a j’en mang-ling-Nam erztnage daku, Aman anin ad’ong barij sanabyu lingan dakkute; iten asan gamlenden anin mang-ling-Nam derderten” (Jisaya26:3).