Dec 29 – AAKHARY THANU DEV THONA CHALAVACHA

Philippivalun 1:5Thamema aach kamena shuru kidojako Yesu Christhur daadethanu, vona puro chalayekan ghat nammuchu.

Dev thona hamesha achethi vaat dekalan chalavacha. Vu Vor chithamethi thona samadhaner vatema chalavacha. Puro sather vatema chalavacha. Apan vachanema padeju Yesu Christhur daadethanu, vona puro karacha. Thar hathen jalmelojako nammakavagi revalo, thar naam lelen Balamelojako thona hamesha chalavacha.

Thu nankya ann nanki vethey janna thar baap haath jallen chaler sikhayech. Hano thon khushi padayevasu chalayen thodsek cheejevun lathanu sikhayviye.

Thu voddan aavukarasjana sada thar yadi baap ku jeevanema aang avnuko malamkarukaracha. Vachan kacha Geeder Grandh 48:14 yee Devaj jagujagumayi apaner Dev cha; marajethanu Vuj apanena chakayevalo cha.

Yohan 21:18 vachanema sada Thu motiyar rasjana thar thuj kadbhandlen, thar khathrer jaagema chalotho;thu budapanero vajana thar hathena sudho karechi;dusaro yek thar kadena bhandan thona khathar chenijako jagema paallen javacha kan, sasij sasij kerochu.

Pethru  motiyar vetho jana vor khathar vaju chalo lapan Prabhur khatharer nai banchen shuru kidojanathi vor yishtan pakthin melden Prabhur chithamenaj kido. Mathai 7:21 vachanema padatho swarger Mar Baper Khatherer nai karevalaj swargema javacha ;pan Prabhu Prabhu kan manna bhalayeval kooyi voma jayeni.

Geeder Grandh 139:24 vachanema kacha Baadara vaat marmayi kaithoi chakaikan dekan, shashvith vatema manna chalayes. Kethanu araj karnu. Vujji Geeder Grandh 31:3Mar bandana mar gad Thuj;thar namervadi manna vaat dakalan manna chalayes.