Dec 28 – DEVER DHAAK

Hebrivalun 11:7Viswasethi Noah, vujji dakayokoni jervadi Dever dalkarnina paalen, dhakethin bhakthithi vor katmalena rakvaali karena jhajena banayo; yethi vu jagathina sajaavas kan nev karan, viswasethi vajako naiyathena hassodhar vego.

Devethi dhak padojethi Noahar jeevanema Dever vadithi maryadin Pavithar banchavni palido. Yeej dhaakethi Noah vona ann vor ghareval seji bancher saru Dever hakkamethi yek vodan bhando.

Dhaak kajako Dee vaatema chalacha. Yek mando ann phal deval racha. Ajji yeej vaat nishphal vejathanu nasher vaten chalavacha. Hinema thodsek dhaak mundagaj hecharikaen dethanu aach vatema chalavacha. Vujji dusar dhaakevo  apanen kaicheniju karacha, dall thutaju vejavacha , dhokken lathanu motheyna sada lejavacha.

Kenu katho yek vidyarthi pariksha lakker dhaak ratho jada vagath paden dekacha, yek nankya choravo yadi baapen dhak padan maand vatema chalen chamkacha. Operation kareval manna katha dusar rog kaithoi avachkaiko kan vor cheejevun achethi dholacha.

Hanoj Deven dhak padeval sada balla vatethi ann paper vatethi chetidagarjavacha. Yekhaptha yek bai hanno kee ” Sir ma hariyabagen javnu kajako tharasethi narakamena dhak padan Prabhur saru Pavithar jeevanen banchen asa karrechu”.

Vuj Prabhu Noahathi mundagaj dalkaran vona ann vora gharen Dever reesethi banchaldevasu dhakethi ann aacho kaam karan yek vodan bhando. Ajji thodsek admivo matamanthra kathoi, bhooth kathoi, chapni kathoi, nankya nankya keeda ann andharo kathoi chamkukaracha.

Ajji thodsek admi vo Khavathoi, pevathoi, perathoi sejithi chamkukaracha. Yeseji dhakethi thu chutanjavnu katho Yesu Christhur Pavithar loyeema  thar dallen dholen jeevanen havaal karlastho kunsi dhak reda bhoother velathi chamker kaam cheni.

Yeshaya 12:2 vachanema dekatho , Yidek mar rakshanar adharam chajako DevDev, ma dhak padanaju vonaj nammlerochu.. .

Ajji jada dhyan karen pado 1 Yohan 4:18 Premema dhak cheni, athraj koni puro prema dhakena cheti karacha; dhak velar cha; dhakevalo premema puro vojako koni.