Dec 27 – KITUNGAN ITEN AMBRIJ AMANDRAN!

“Jisun butente, antate a gijben asan anin ereten guijeten. Bindo ateng onla maranji asananin adraptiad. Iten asan gamlenden anin badardu mar” (Luk 19:3).

Aualben   asan   anteng   mandranji   bigarda   bigarda   anogandinji   daku:   iten   ambrij   a   mandranKitungan?’. Bindo Kitungan abmele ite janang aninji hamle daku. Kitungan a baran Kitunganabmele alumben dete: “Anin bo surda ranaptidam Kitungan. Amben anin ampara abaranabendete. Do bogad amben Anin saring bigarda a dakulingnanden, mangben saring ranapti amdulepanangan dete”.

Ateng ganalun do arasudan abaran mandrengna lingan, anteng asan Kitungan abaran alumben dete.Anab-bagu ate: “Kan apsele Kitungan, kan abmele kanalkal dage ambrij. Hen bantongtai Aniniten lumte  karahidhen  atikki. Atimangba  hen aboi  ert’olmaran”. Kan   Kitungan aganijgijling,pintun, itente anogalan aberna. Iten asan gamlenden, anin iteja lumle adraptiead.Okij bo mandran ate, Kitung lingan butente banadraban dete.

Anin anualberan oalte: “bogadKitungan  dakulenden,  iten  asan  mihaman   lanan  dete,  orde   erobjongdge  akarahidan,   orde  bosurda sanun?”. Kan ate aboi a u’an a hanganji abs’ideten, angante anin dangarda dakule, itenteanin jaruloge himdamneten. Er galamlaben Kitungan ablumarhen gamle.Bibolan a kinoltaben adnang, anlen gijtabe Jokiyon Jisun buten agalamben apsele saite. Iten asangamlenden anin Jisun a tanimhiman batten hamle, bo surda banandan dele amanglingan.

Aninsurpidamlen Jisun amandrengnalingan ajaben asan oskaineten do a s’ing-lingan janang. Aninogandile   a   uggar-lingan   janolda   batte   itente  dele   kun   ate   a   bandanaben   ogandile.   Kitunganmanaridan asan, anina a manaridan batte kuddublen marid delaih.

Manglingben Kitungan  Jisun Kristun   dakupo,  d’ongben  atimhimten ambrij  do  pwrardaben  atimhimte   ambrij?  Uggarben   batte  a  timhimtepo?  Ebri  kamb’ol   a  edolmar   gamte:   “Iten   asangamlenden butente Kitungan amangban addamten, anin, Kitungan mandranji a d’ong uhulkujantiyte na, gamle a dernaben dete na” (Ebri 11:6).

Tanahimdam Kitungan a onagji, gananludan abmele oskainaben dete do mandrengnanman’oihdam. Anin abmele galamben dete do me’engnaben dete Kitungan a d’ong bantongle. Angante amben asaite Anin apsele, Anin tiybenten itente amben asite.

Okiy Kinolbe absele: “Bar butente d’ong-Hen gijte, anin Butente appailih, Anin a d’ong gijte” (Jon12:45& Jon 14:9).