Dec 25 – Christmas laga motlob!

1 Timothy 3:16 hoilebi Isor ami uporte kile morom ahise koile, krista Jisu ami nisina papike bi tailaga morom dibo aru ami laga piche ahakhan ke janibole dibo, junkhan jani kene Biswas kuribo aru ktiya bi khotom nohobole laga jibon pabo.

Amikhan Antantulla Appam laga morom thaka laga parivaar, ami salam jonai di ase aru asish kuri ase bishi morom pora. Ami bishi khusi hoi kene apuni ke aru apuni laga porivaar khan ke merry Christmas laga salam jonai di ase. Baba Jehovah aru tai laga mahima apuni khan laga mon aru ghor ke bhorta hobole dibi, aji laga din te jitya Isor laga bacha khan Isor Jisu Krista laga jonom din manabo pura pruthibi te.

Ki motlob ase Christmas laga? Aru itu laga dangor koth aki ase? ‘Isor tu gau loi kene ahishe’, itu hi sobse dangor motlob ase. Itu ekla hi dangor kotha nahoi hoilebi amikhan khushi thakibole laga khuti ase. Pobitro kotha te koi 1 Timothy 3:16 hoilebi Isor ami uporte kile morom ahise koile, krista Jisu ami nisina papike bi tailaga morom dibo aru ami laga piche ahakhan ke janibole dibo, junkhan jani kene Biswas kuribo aru ktiya bi khotom nohobole laga jibon pabo.

Isor tu amikhan laga suku te dikhibole napara laga ase. Tai inika jagate thake juntu aji tok kn manu bi dikhibole paranai. Tai prithibi te ahishe ekta chutu bacha hoi kene, junke sob pora dikhe aru lok kuribole pare. Kiman bi dangor kotha ase ki Isor hi ami khan laga majote bacha nisina ahishe aru thkishe manu jati logot! Tai laga naam pora hi Christmas laga karon ke janai diye.

Itu naam Jesus laga motlob hi, “tai bachabo tai laga manu khan ke taikhan laga paap pora”. Aru Christ laga motlob, “tai junk e chunishe”. Aru Immanuel naam laga motlob, “Isor amikhan logote”. Itu naam khan ke pora arubi prophet Isaiah pora bi khushi pora taike arubi 5ta naam dishe, “tai laga naam hobo, ‘Achurit ukhil’, ‘shaktimaan Isor’, ‘hodai hodai laga baba’, ‘shanti laga raja’(Isaiah 9:6)

Swarg laga Isor ahishe prithibi te iman achurit naam khan kosom aru akha laga loi kene. Aru tai nijor icha pora amikhan laga mojote thakibole ahishe. John laga gospel te, amikhanpure: “aru kotha tu mangso hoishe aru amikhan logote thakishe aru amikhan tailaga mahima dikhishe, mahima khali amikhan laga ekta baba Jehovah laga, bishi morom aru hosa laga (john 1:14)

Aru ekta motlob bi ase Jisu laga amikhan majote manu hoikene aha tu. Aru it utu janai dibole aru dikhai dibole baba Jehovah swarg laga. Ami khan laga Isor Jisu koishe: “tai jun amike dikhishe, tai dikhishe Isor Jehovah ke”(john 14:19)jisu Krista laga jonom pora itu prithibi te, apuni khan dikhibole parishe Jehovah ke junke dikhibole napara laga Shakti ase. Oh Isor laga bacha khan, itu dnagor motlob hi apuni khan laga khushi hobole dibi aji laga dangor dinte.

Aji bhabna kuribole laga pobitro kotha tu hoile, Luke 1:78,79 amikhan laga Isor norom aru morom laga Isor ase. Pap pora bachai diya ujala amikhanke dibole ase, moria laga uporte swarg laga ujala dibole ase, aru amikhanke shanti laga restate loijabole ase.