Dec 22 – GAMANGTUNGAN DANDRABTALEN!

“E Gamangtung, Aman rabrabtalen, do Aman nami a mandranji saring tordong dandrabtalen” (Sanenken 12:7).

Anlen rabangtabe Bibol-lingan awrloge ‘Gamangtungan dandrablangten’ bibol-lingan. er robjongdage a kanalkalinganji, Kitungan daku a dandrab-ben asan.

Mandrengna-ling-ben enegoi murda-dage anosiban a pangben ate dete jajingante ayamling. Amben a galam daku kan ambrij a nogandi apangben dete gamle. Bindo amben danukkan do argorage baralingan adakun batte lumle adrabtea. Amben galamle adrabtea u’an amenengba ayirben dete. Do amben bo mandra abm’oihte, mang-ling-ben sanabyun ads’ite.

Anga-janang mang-ling-ben kan ambrij akanalkalan yirtai, sanabyu-lingan dakulen Kitungan amangba gijgijba do pingbale, gamba: “Kitung bogad itsumdam-hen batte hen jibjiblaihenden, kuddub mandrengna-hen s’itte. Kan a kanalkal-lingan, hen mandrengna-hen surpittai, kuddub lanum-hen, bara-henji s’i-ling-Nam. Kitung hen apsele aman gadrij’ea! Do itsuman absuijing”. Angante kan ambrij amaben agarberten, Kitungan itente adnisumenje ate amdungte, do tabme tagoran gadilte amben abmele. Do kuddub anabkalkalanji saring ablubenten.

Sanenken lingan 121 Kitungan a janibjib beran barij daku. ateng mandranji kan sanenekenan barij j’en batte kinolteji. Kan a sanenkenan kinolba barij gananludan batte do Kitungan a d’ong abgugule do dernaj’e batte. Do amben Kitungan anablun do asuyeman ahangte. “Anin j’eng-nam a jaloben asan adnorde-e; butente d’ong-nam dandrabte, Anin angaja abmibmibdae orde addimaddae. Gamangtungan Dandrab Mar-nam; Gamangtungan jandrumsengba-nam a lugngun. Gamangtungan kuddub anerszn saring d’ong-nam rabrabte; Anin pwrarda-nam rabrabte” (Sanenken 121:3, 5, 7).

Angante amben asurpid-amten Kitungan amangba, amben agalamte Anin na Kitungan ayengan amandran dandrabtaben, ite-janang yiraitenden bo tagor-galamte, anappai Pol ambrij amben janang agamte “Anin a d’ong hen galam, bar hen Anin a s’I lingan itente surpidlai, antate murda dinna sikkoi ja Anin rapti turturte, kanate hen raduloge dertenai” (2 Timoti 1:12). U u, a jardin-na amben janang dandrabte.

Kitunglen Josua a d’ong gameten: “Hen amang ampara dakutenai. Hen d’ong-nam adnumdrengai orde adkaridai” (Josua 1:5). Anin na Kitungan Jakub a d’ong tiyberle, gamte: “Hen d’ong-nam adnumdrengai barahen adtakuden sikkoija itente agamben daku.” (Aparamangtan 28:15). Anten a Kitung nami tiyberbenten Anin dandrabbenten. Kitungan itente sidai berte dernadage do radudage lumte. Anten asan, abguguba do sanensenan tiyba barij uggarben batte.

Okiy Kinolbe absele: “Kitungan baradturna-len do ranapti-len; kanalkal ayam lingan a saiyamben asan tordong Anin adam daku” (Sanenken 46:1).