Dec 18 – CHALAYEVALO DEV

Deemovupadesher Grandh 32:12  Yehova mathramaj vona chalayocha.

Yee dharthiper Devaj yek manikyana herghadin her yek daad bee chalayevalo cha. Vu Devaj thar hath jallen chalavacha. Eliyar daadema dekatho vu yeklo vetho jana kuni himmat dinekoni, pan Eliya von vuj Dever chithamena havaal karlino jana Dev kukan chalayo malamka..

Bhayanaker kaaler dadema Dev yek kaaglan melan prabhathin  saanj vagathema baatina botina laan dineetho vu khathanu Kerith vaagema paani peedo. Vu vagema paani sukhagi jerpacha Dev Sarepath kajako yek raandbeerer dai melo. Katho  Dev vor jeevanema daadij achamkalathi  chalathanu peten bharo kan dekacha, hanoj mar premer Dever beptavo thu sada vuj Deven thar jeevanen havaal karlatho vuj premevalo Dev ajji kathra jada chalaye kunika.

Vu Dev chalyero athraj koni pan thar katmalen sarinaj ku chalaane ko malam karevalo cha. Noah ann vor katmalen naas navaju Devaj yek vodan thayar karan voma jathan karan banchado. Korneli kajako admi saha saaso Dev Yesu Christhur vumper viswasmethi vetho jethi Dev vor katmalen abhishek karan asmaner yinamevuthi bharnako jen dekacha. Aaj thu thar jeenema chajako bharina bhadyathana Dever vumper melnakastho jana thu deka thar vaat sarinaj harobharo ashishen dekechi.

20 lakethi jadaj vetheyjako Yisraelevalen vu Devaj chalayen sari jorevalon seni chalayevalo ven ra. Vunden Aigupthemathi bhar laan mangalon dood radan jaarijako deshen kathraiko achamothi chalayo. Vundema 6 lack yudhakareval vethey, ann leko Ghalenijathra thandrivon chachaber vethey, yesseji adabir vatema chalrey. Yek admi yek daad vathoi paler hathayenijako Dev Vunden 40 varas adabima chalan jarejanna paaloch.

Vunder bhook hatayena asmanema soja khavajako Manna na laayo. Pured kajako pakshivun vaalaju kido. Vu Dev kai kochkatho Ma  kun kajako vuj Maa. Vu Devaj shashvith kaalamethanu chalayevalo cha.

Ajji jada dhyan karen pado Geeder Grandh  32:8 Thona Ma sekaan, thu chalero vaatena thona dakaluchu;thaaper Maar nanzer rakadan thona seekvadi dunchu.