Dec 17 – PRABHUJ YUDHA KARACHA

Vimochan Grandh 14:14Yehova thar vadithi yudha karacha, tham mundo burlen gachab revo kan jannethi ko.

Seji  vachaner agediyar bhag paden yishta karacha. Pan deemo bhaga paden yishta kareni. Kankren katho vornai chalen venijesaru. Dever beptavo Deven yudha karen chodanaju vunder jeevanema shanthi cheniju banchukaracha.

Apostler kaam 7:22 vachanema Moser vadi padatho , Mosey Aigupther soli genenma seekhvadilen, vatheyman, kaameman jorevalo vego. Hano Mosey keldo manna chajako jorethi ann balamethi Yisraelevalen chodayeja kan.

Yisraelevalen chodayervasu Mosey yek Aigupthevalen marnakako vothi Phoroar ankima khunkaeevaler nai dekayo jana Mosey Aigupthen chonaken Midhyanen dhasan dagargo.

Midhyanema vetho jana Devaj darshan dethanu bandemathi vathey kido. Yetha bando angarethi laagrich lapan baljarikoni. Katho thar sevama angarer nai lagadey vaal masaj avacha pan thon baler veni kajako athmik sathen malam karlenu.

Thar dhani red gonni red badlavni vekonthi katho thu laday maren javanaju thar saru laday marevalo Dever hathen haval karnaknu. Jana Devaj vunden deklen badlavni karacha.

Thon virodhvagi vutajako  vairivun Dever Hathen thar bharin sejini denakastho dher vu Devaj thar vadithi yudha karan thona jayam dacha.

Ajji jada dhyan karen pado Geeder Grandh 138:8 Yehova maar vaas Vor sosena puri karacha, Yehova thar karuna hamesha racha. Thar hather kaamena chodesmath.