Dec 16 – DEVAJ THARO AASRO

Geeder Grandh 31:2 Maarsaam  Thar kaanden, jhaldi manna chodades, thu maar asrer bandana,manna rakvalir gad vego.

Her yek admina jathan rero ann rakshan dero masaj avashyam vencha. Yek manikya ghar bhandnu katho vu jaag asro devaler nai chake konika kan sochkaran vu jageper sey malachkey konika kan agedi dekacha.

Hanoj rajakeeya karevaal, mot mot jaagema chajako vunden jathan karesaru security rakaldacha. Bharath deshema “kaal sibbi” Kajako rakshan devaal cha. 24 ghanta sada manthrivuna rakshan devaal police racha. Vunden sejini bullet proof latha ann car demelathoi haan avajanna vunden vo thappichaler veni.

Apanen seni malama Indira Gandhi ku vor rakshana devaler hathema maraagikan. Masaj jada rakshan devaaler vacha rathoi Sri Lanka pradhanmantri  Premadasa yek kooli karevaler daad kajako karyamena bhale jarotho bomb photojema margo. Athra jada moto desh Yisraeleval vunder pradhanmantrin maranethi chodayer veekoni. Hanoj American pradhanmantri John F. Kennedin sada nevukarevaler vacha rathoi vor janen jathan karer vikoni. Athraj yee jagema devajako security.

Jethi Dever vaath hano lakkan cha, Geeder Grandh 127:1-2, ann 121:4-7 Yehova ghar bhandenitho vona bhandevaler kashta taaloj. Yehova sherena kaavli karenitho, vona kaavli karevaal jaagan reroi taaloj.

Yidek Yisraelen jathan karevalo vungenin, neend keni. Yehova thona jathan karacha;Yehova thar jamman paakthima thona chendi vacha. Deeye thavadon, rath chaand thona haan kareni. Yehova sey keedethi thona cheti karan jathan karacha; Vu thar jaanen banchadacha. Hanoj Geeder Grandh 91:4-6 padatho , Vu Vor pankethi thona burlacha;Vor pankodar heta thu asro lechi; Vor sachayi thona daalan gedya vacha.

Rather vagather bhayanakenan, deeye vadajako theerenan, andharema pharajako mother dhokkenan, bhopperer haaler hathyarena, thu chamkesni. Thar paakthima hajaaran, thar jamman paakthima dass hajar padathoi vu thar dai ayeni. Mar premer Dever beptavo apaner Yesu Devaj apaner kaavli revaalon rakshan devaalo chajethi thona haayi karen jaagaj cheni.

Ajji jada dhyan karen pado Geeder Grandh 91:14  Vu maardaayi premethi chajethi vona ma chodavunchu;vu maar naamena malam karmelojethi, von Ma jathan karuchu.