Dec 15 – PRABHUJ THAR AASTHI

Ginthir Grandh 18:20 Dev chajako Yehova Aharonethi hanno ko- vunder deshema thona aasthi ayeni;  vunder vachemathi thona paal cheni; Yisraelevaler vacha Thar bhaag ann aasthi Maaj.

Prabhuj apaner aasthi ann bhaag vencha. Vu PRABHUJ apaner sath hamesha racha. Lapan masaj admivo pisa kamayen, aacho padajenaj mot kelacha. Ann jada admi aasthi kamayero ann motpan kareroj  aach kelukaracha. Jesaru Dev kerocha “Maaj thar aasthi kan kerocha”.

Juno kararema Yisraelevalen Dev sogan khathanu Canan kajako jagen lejavunchu kan Aiguthemathi bhaar layo. Hano bhaar ayejako voseji Laal samandar langan jathanu 40 varas adabima chalan gey. Siyoner gatlaper Dev Vor anglithi angarethi bhataper lakkan dinajako 10 agnavo leldey. Ajji vunder sath rather vagath angarer sthambha ann diyer vagath modamer sthambha vethi.

Hanoj thon Prabhu chavnukatho yee jagemar  paaper asaana chonaknu. Viswasam kajako laal samandar datanu katho thar paapesaru thuj puro dallethi maap puchlen Prabhu saam parnu Baptisma lervasu thayar venu. Modamer sthambha kajako Dever vathenan angarer sthambha kajako Pavithar Athmar abhishek paalero ghano avashyam cha. Janaj Prabhu thar aasthi Vejacha. Dever dhakethi ann puro samarpanethi yee adabir watema chalero ghano nashta vacha. Ephesivalun 1:11 vachanema dekatho vujji Christhuma aanga bharosethi rajako ham, Vor mahimana sthuthi veda. Thona  asthi venchajako sari jorevalo Devaj chalayevalo sada cha kan herdey mella.

Colossivalun 1:12, 13 vachanena dekatho Vajalemar Pavithar vaaler haasoma vento lena apanena chajevaal kidojenan, andharer haakamethi apanen chodan, Vor premer Betar Rajyamema, bhelojako Baapena sthuthi karacha, kan   Apostle Paul herdelarocha.

Ajji jada dhyan karen pado Hebrivalun 10:34, 35 Ma bhandojana tham maar vadi haayi kisejakoj konipan, swargema ghano sreshtan shashwithero hasso thamena chakan malam karan, thamar dhannethi khushithi lutena choddhiney. Jethi ghano phal paaler thamar himmathena chodeniju ro.