Dec 14 – DEVETHI DAAYI RER VAGATH

Vimocahn Grandh 20:21Yehova Mosethi hano ko-  Asmanemathi Ma vaathey kidokan tham malam karlenecho.

Koltha Ghalenijathra Deven kunvatho prem karachko vo saasij Deven dayi rethanu banchukaracha. Jethi Dev Vor krupan dekalan Vor krupa simhasanamekan dheerethi ayevasu vaten vagadmelocha.

Jeevanema dee bhaag racha, voma yek sena dikavjako, vujjek kaiakatho  keni dikayenijako jeevano. Yen kethi dekejakatho  gatlar vumper rajako bhatathi ann gatlar heta rajako jaanvarevur galatithi, votha rajako paisthithin samaan kareja . Lapan gatlaper kuracha malamka, suryar vajaalo jhankukaracha, modam gheran jaavukaracha. Kathraiko manassanthi malacha. Ajji Dever mahimathi bharan Dever dayi kolahal ann vuthal pathal vejavukaracha.

Yee bhar dikavjako jeevanema avajako velama thar dall mathram niyathen pedvojako Betan, Jesus Christhu Prabhuthi satheambandh mellen rero bhoolmath. Her yek parabhathi porema thu gatlar vumper dhasan Dev dajako vu shanthina DEVETHI dayi rero vu vagath masaj anandero vagath. Hano DEVETHI dayi rero kanna thu seekechiko jana thar jeevanema kassek vela avathoi keni haayi kareseni.

Mosey yeej anubhava vethi vu devethi dayi ren Dever munden dekan vathey kidoju kidotho. Jethij Moser vadi Dev kacha, Moser thaali dusar kuni gatlaper avnu koni. Yetha kai malam vacha katho Pavithar cheniju Dever dayi kuni ayer veni.

Vimochaner Grandh 25:22 ann 33:9 padatho, votha thona ma bhalan karuna peetameperethi shasan ghalmelejako mandasameper chajako dee  keruber vachethin , Ma Yisraelevalen hakkam dujako sejini thona malam karuchu.

Mosey vo derama gojanna, modamer sthambha vo derar vaaklikan vuthariajana Yehova Mosethi vathey kido.

Mar premer Dever beptavo apaner Devena petballero malamcheni. That dallen aachethi rakalden, Dever vathen samlen ghat karlastho jana Dev thon Vor dayi balalen ashish karacha.