Dec 13 – KITUNGAN AJANGGARDA AGAJA ADIGGE!

“Bar hen gamlai, Bogad mang-hen kukkuran ambrij renengan dakulenden, hen engle lulunan hangtai badih” (Sanenken 55:6).

Kukkuran omengle aengben abmele aranadun daku. A renengan batte alanagadan gijtabe, aninji boi boi radudam. A renenganji a ranaptin batte, er kadablingben aninji engle dakutenji ateng denna ayam sikoija.

Bo mandra gamle amben a engteji agijben dete, aninji atabdong dilen lanankaba uyungba sengsengle engteji do aninji galamtaji amanenganji, etigoi engle dakutenji er kadablingben. Jajzngante ate ajar ajr milesikoija engteji.

Angante Jisu Kristun tabubda tiyle adnang, ruangan saring Kukkuran-Marid janggardan alankaba lapsolai adtabdong. Do kan ambrij ate agaja arobjongan adea. U u, Marid Janggardan labsole sayamtaben.

Janabuban ayamling, angante mandranji edalenji barij j’elingan Marid Janggardan amanglinganji abarijben abmele, Anin adtabdong labsolai amanglinganji. Angante kan abernan anlen gijtaben rumangdalangten. Ayengan amandranji barij j’en batte saileji aninji amanglingan Marid Janggardan labsolai barij ranapti batte.

Angante hanangna maranji rukulingji bo maneng, barij ugaran batte garberlingji, Marid Janggardan amanglinganji labsolai, bo surda sanabdan rungan batte. Bayale ajanzbjzban abojoraeten: “Amben ranaptin a hangte angante Marid Janggardan manglingben labsotai”.

Anappai kab’ol-lingan, kznol-le raptitaben Marid Janggardan a baran abmele, ranukkunji amaranglen ate. Marid Janggardan amadan agigijan Ethiopia saring abara ganijtan dele, do Pillip a dong abhanale gardikuran batte. Do adtabdong bangsa anoblingberan oblingle do tabubdan tiyle, Pillip a dong bo bigarda a baran abmele urungle (Anappai 8:39).

Angante Antiok aranukkun bangsa anoblingberan abmele anamlen do garberleji, Marid Janggardan labsoling do gamle: “Itente a lanuman a lumben Barnaba do Sol a d’ong Hen gudingle tabngijlai, anta lanuman a lumben asan Hen apsele aninji a d’ong ansaba” (Anappai 13:2). Tanahimdam Kitungan a onagji, nami janang Marid Janggardan garberben a jalangben asan oskaidam daku, erabdindinlingben. Anten asan, garba do taniyan dete!

Okiy Kinolbe absele: “Bar Jon sakkin tiyle gameten, Kukkuran ambrij ruang saring a latsolen a Janggardan hen gijlai, do antate Anin amang lingan duineten” (Jon 1:32).