Dec 08 – DEVER VAATH

Yirmia 20:9 Dever vath maar dallema angarer nai balthi maar hadakama burancha.

Yirmia bhakthidaren kathra chamathkarer vaath kunika. Dever vathen Yirmia samalesath vu vathen vor dallema dhyan kido. Janaj vor hadakama angarer nai balrotho kan padacha. Yee vagathen yek haptha soch karatho kathra jada Yirmia Dever vathen dhyan karen prem kido viye kunika.

Dever vathen kanna dhyan karach yek admi katho velabhavetima jarejakona ann sathaner hathema haljarejakonaj kan malam karlenu. Thu abbaj thar jeevanen Dever vathen havaal karlatho janaj thu masaj ashishen palechi. Thar mathema masalrijako mand sochen Dever vath sejini samor karnakacha. Athraj koni pan Dever vath thu sathaner hathema padathani haljanaju dheerethi hubarer vasu himmath dacha.

Bhakthidar Yirmia gachab gachab Dever vathen pado koni pan vu vathen vor dallema gallen vunden sejini dhyan kido. Tharo araj karer jeevano achethi renu katho thu sada Dever vathen dallema angar balaju voma chuntan renu. Janaj tharo puro jeevano Dever vathaj palan karacha.

Hano Dever vathen dhyan karajana thu kunas vagath avathoi Dever vathenaj thar mundema avahacha. Thu araj karajana ann seva karasthoi thu Dever soganer vathen mellen Dever sam dekechi jana thon Dever vathema Athman jeevan doyi cha kan malamvacha.

Yirmia 1:5 vachanema Dev Yirmiyathi  kacha thu thar yadir petema rup lidokoni janaj ma dittochu;thu huyokoni jer angaj thon ma prathista kidochu, jannen bhakthidarer nai niyamith karmelochu. Yirmia yee vathenaj dallema ghat karlen vunden dhyan kidokido, jethij vu moto Pravaktha vego.

Mar premer Dever beptavo tham sada Dever vathen  ghato jhallen soganer vathen seni dallema ghallethanu thar dallema agarer nai balajethanu dhyan karnu. Janna thu vucho vutan Dever saru jorer kaamen karnu. Yirmia 5:14