Dec 08 – Isor laga kotha!

Jeremiah 20:9 hoilebi ami jitya bhabna kure, “ami Jehovah ke pahuri jabo aru tai laga namte kotha nakobo,” titia apuni laga khobor khan ami laga mon bhitorte jui nisina juli thake. Ami itu ke buki thakibole bisari thake hoilebi lukai kene rakhi bole napare.

Kiman bi achurit ase Jeremaih laga biwas! Juntu homite tai Isor laga kotha ke purishe, tai itukhan ke mon te bhabna kuri se. aru itu kotha khan jui nisina juli thakishetai laga hadi te. Bhaban kuribi tai kiman bimorom kuri thakishe Isor laga kotha ke bhabna kuri kene!

Bishi manu khan ase jun hi Isor laga kotha ke bisare, jitya tai khan dukh aru porikha laga rasta te thake aru stan pora digdar diye. Itu homooi te thaka tu bhal nahoi. Judi apuni nijor laga jibon ke Isor laga icha pora pura cholabole diye, titya hoile apuni laga pura jibon hi isor lga ashirbad pora bhorta hoi jabo. Isor laga kotha pora apuni laga dimag ke sapha hobole dibo, jitya bi jamela hoi. Itu pora hi apuni ke sahas bi dibo aru Biswas te satan laga agete khara kuribole.

Prophet jeremiah, pora Isor laga kotha ke ini pora laga kam ase koi kene porha nahoi. Tai itu ke tai laga mon te dhali loi she, itu uporte bhabna kure pura din. Itu tu kile koile, tai Isor laga kotha khan ke dhuri kene rakha pora hi, itu tai laga hadi aru monte jui nisina juli thakishe. hoi apuni khan biIsor laga kotha te bhabna kuri thakibo lage, jitya tok apuni laga hadi te jui nisina najule. Titya hi apuni hosabi Isor laga tagot bhitorte ahibo aru tai laga kotha pora hi apuni ke jitibole laga rasta te loi jabo apuni laga prathana laga jibon te.

Jitya Isor lag kotha apuni laga bhitorte mon laga jai , aru thake, titya apunilaga muk laga sob kotha khan pobitro kotha hi hobo jitu Isor lga kotha te likhi ken ease. Aru apuni laga sob prathana khan tu Isor laga pobitro kotha te hi thakibo. Apuni laga ministry tu Isor laga pobitro atma pora hi bharta hooi kene thakibo. Pobitro kotha te koi ken ease Isor laga kotha tu hoile atma aru jibon diye.

Jehpovah pora Jeremaiha ke kotha koi, Jeremaih 1:5 apuni ke pet te nabona aggete, ami apuni ke jane; apuni jonm noha agete, ami apuni ke sapha kurishe; ami chunishe apuni ke prophet hobole desh te.

Jeremaih pora hosabi itu ke bhabna kurishe. Itu karone Isor bi taike tagot pora cholaishe. Oh Isor laga bacha khan, thik pora dhuri kenethakibi Isor laga kotha khan te juntu apuni khan ke di kene ase.. aru itu ke bhabna kuribi, utu homoi tok jitya tok itu khan apuni bhitorte ghush najai aru jui nisina najule. Jitya apuni itu kuribo, apuni ke Isor pora ashirbad dibo tai nimite khara hobole aru dmngor kuribole.

Aji bhaban kuribole laga pobitro kotha tu hoile Jeremaih 5:14 pormeshwar Isor Jehovah koise: “kilekoile apuni itu kotha koishe, thkibi, ami banabo ami laga kotha apuni muk tu jui, aru itu manukhan ke khuri, aru itu pora tai khan ke khotom kuri dibo.