Dec 05 – DEVER SURAKSHA

Geeder Grandh 91:6 Andharema pharajako mother dhokkenan, dopperer haler hathya rena, thu chamkesni.

Yee 91 hasaoma chajako sey vachanema Dever surakshan apaner jeevanema dekacha. Yee vachanema seji Dever pakodama kukan jathan karan suraksha karachako malamvacha. Deven hano araj karnu ,

“Dev tharo aankir heerar nai manna jathan kares kan. Agadiyar Grandh 1:5 vachanema dekatho Devaj vajalen daado kan  andharena raath kan balayo jana yidek saanjan parabhathi bhalan yek daad vegi.

Jethi Devaj daadena ann rathena kidojako cha. Dadenan rathena sada Vuj Devven cha. Daaden Dev thu kaam karesaru kidocha ann rathen thu sojathaju Punarujjevamethi renu kan kidocha.Geeder Grandh 1:2

vachaner prakar thu hamesha Dever vathen padajema bussy ga renu jana Dev thona  raather vagather bhayanakenan, deeye vadajako  theerenan chetikaran jathan karacha. Jesaru Dev raath vajalo devasu chandanena , tharavuna ann deeye vajalo devasu suryana kidocha.

Bibilema dekatho Yakob sada vor doyi gwannivasu raathan deeye kaam karan gorlir mandan jathan kidotho. Yesejini herdelalen hano kerocha, Agadiyar Grandh  31:40  Ma thavadema sukhago ann raath vagath padajako vassethi bhijago. Asal neendaj maar aakimathi chethi vegich.Lapan Prabhu Yakoben jathan karan acho arogyamethi vor baaper gharen hoto laayo. Vuj Dev thona sada jathan karan arogyamethi bharan ashish karacha.

Yohoshua 10:13 vachanema dekatho Yehoshua yudha marren go jana andhro verithi jen Yehoshua Dever sath hubaran suryathin chandanethi hanno hakam dino, hey surya thu Gibeonema tham; chaand thu Ayyalonema  hubar kan ko janaj surya yek daad sari  asmaneka hubaran daado nikaledino koni. Yethi moto Dev Vor jannen ghano moto jayam denako.

Jethi Devaj daadena ann rathena kidojako cha. Dadenan rathena sada Vuj Devven cha. Thu kenidekan vhamker kaam cheni dheerethi ra kan ma thon hakkam derochu.