Dec 02 – Gyan Isor laga!

Exodus 31:3 aru tai bhitorte tagot dhali dise. Ami tai bhitorte buji bole laga tagot ghusai dishe, mistri kuribole laga tagot dishe aru jinika noksa khan hoilebi banabole para laga tagot dishe.

Amikhan laga Isor tu nishpaksh ase aru tai kitya bi ekjon ke dibo aru ekjon ke nadibo inika nahoi, tai sob ke soman hi sa. Jitya bi apuni Isor laga ashirbad tai laga prabhukarta manu khan laga jibon te dikhi pai, apuni khan bi nijor laga jibon te inika ashirbad hi mangibo lage.

Hobo pare apuni khan laga bacha khan tu tai khan laga porha te bhal nahobo pare, apuni jinika tai khan ke akha kure. Tai khan porha laga icha nahobo pare aru yaad kuribole laga tagot bi nathakibo pare.. hoilebi apuni jitya tai khan karone prathana kuribo tai khan laga gyan budhi nimite, Isor jun hi sob ke khuli kene diye, tai apuni khan laga parivaar te bi bhal gyan dibo.

Pobitro kotha tea mi khan puribole pai ekta jawan chokra jun  lagan am tu bezalal thakishe Uri laga chokra (ex 31:2). Isor taike chuni she aru aru Isor laga pobitro atma pora hi bhorta kuri dishe, tai laga gyan , bujia  laga aru budhi logote. Aru itu pora hi tai ekta dangor mistri bani bole parishe sob kam te. Tai ekta budhi laga manu thakishe junhi khuri laga aru, sona chandi laga bhal kam ke kuribole pare. Aru tai itu ashirbad ke ini phelai diya nai hoilebi Isor laga mondir bonabole lagai dishe. Tai Isor pora diya gyan hi tai gawahi laga jaga aru khemai laga kursi, aru sob saman khan banaishe juntu Isor pora koishe.

Jitya apuni  prathana te mange, Isor bi apuni khan laga bacha ke gyan dibo. Ji laga gyan lagile bi apuni computer laga , maths, sci ki hoilebi Isor ke mangibi, tai nijor laga bacha khan ke gyan laga daan dibole rukhi ase. Daniel laga kissa te bi jun hi dosa guna gyan thaka manu pora gyani thakishe, isor bi apuni laga bacha khan ke dos guna gyan dibo.

Kitya bi bhoi nakuribi eku porikha dibole bi, nahoilebi notun kam te bi aru kunuba jag ate berabo jaile bi.ami khan laga Isor jun hi gyan budhi diye hodai din apuni logote thake, aru khemai diye aru sob kam khan thik kuri diye. Kilekoile Isor laga budhi gyan tu prithibi laga gyan pora bishi uncha ase.

Aji bhabna kuribole laga pobitrfo kotha tu hoileIsaiah 11:2 jun manu phutani kuri ase bisi joldi tai sorom pabole ase. Noromm hoi kene thakia hi dimag laga kam ase.