Dec 01 – DEVER AACHPAN

Geeder Grandh 31:19Thar dhakevalenan, manikyar vacha thona aasro karlevalenan Thu rakadmelojako bhalayi  kathraiko mot cha.

Apan aaj achballa kajako kai malamchenijako  jagema banchrecha . Thodsek vagathema thu aach karmelojakonaj thon aado perpadeval racha. Lapan apaner Prabhu kannai aacho karevalo cha kan herdelala. Geeden bolevalo Daveed hano kacha, (Geeder Grandh 85:12) Yehova achena dacha;apaner jammi vor phalena dacha.

Yek pastor ann vo churchivaal bhalan chuchi bhanden jaaga Dhundrethey lapan hunen malikoni. Dee theen meena Vegijer pacha yek jammi vechrech kan malamvijana churchivaal kathra pisaa vathoi leni ken keldey.

Pan pastor yekloj Dever sannidhima godivaalan Dever chitham Kaichako malamkarlino jethi, Dev ko’ jaasthi haayi krmath thona yek haachas jaagen Ma dunchu’ kan Dev kojako vathen churchivaalen ko jana sey pastoreper reeskidey, tho thodsek dadeypacha yek moto savukar

Pastoren balan hano ko, yidek ham dusar deshema jaan rejarecha ma tham churchi bhandlevasu kan jaag dunchu kethani masaj jaag denako.  Janna chuchivaalen aratham vegi, Dev kai dathoi vu achenaj dacha.

Yee dharthiper yek baap mando venrathoi thamar beptana ach cheej dena malamratho, swarger thamar Baap, Vona maangajena kathraiko aach cheejena dacha. Abba apan navvo varasema jayen dayi cha jethi Dever soganer vathen pada (GEEDER Grandh 23:6)  Maar jeevaner daad sey bhalayeen, krupa maarkar avacha;ma Yehovar gharema hamesha vassunchu.

Yee sari varsema thu masaj velan savaalena kaatomeetona dittochikaiko pan Dev yek vaath kerocha (Romavalun 8:28) Vujji Deven prem karevalena, Vor sosernai balamagamelejena, soli kaam bhalaayeer vadij chalacha kan apanen malam. Paner Prabhu kunvatho bhatamathi paanin bhar layojakonaj tharo adabeer vagathen badlavni karan harobharo ashishen karacha .