Nov 30 – Chaya badal laga!

Matthew 17:5 tai inika koithaka homoi te ekta ujala badal taikhan ke bon kori dise aru itu badal pora kinika nisina awaz pora koishe, “itu ami laga nijor chokra ase junke ami bisi bhal lage aru jun logot ami bisi khusi pai kene ase;tai laga  kottha manibi!

Jitya Jisu aru tai laga chcela khanpahar uporte  jjaishe prathana kuribole, Jisu tai khan usorte badly hobole shuru hoishe. Tai laga chehera ujala hoi thakishe suraj nishina aru boga hoi jaishe pihor nisina.

Itu homoi te moses aru Elijah tai khamn agote ulaishe, taikhanke kotha kuri kene. Tai kotha kuri thaka homoite, ekta dangor badal taikhan ke Chaya kuri dishe. Itu tu kiman bi achurit hoi thakibo! Itu anubhav khan pora aru badal pora Chaya kuri diya pora hi tai khan ke ekta alag chela khan hobole dishe. Chaya badal laga, kjon pora bishi achurit atkma laga kotha khan ke buji bole pare. Jinika badal Chaya kure inika hi pobitro atma bi Chaya kure aru apuni ke achurit atma laga kotha khan ke janai diye.

Matthew 17:5 te koa nishina ekta ujala badal pora taikhanke Chaya kuri dishe, aru itu badal pora ekta awaz kotha kurishe.

Purana niom laga homoi te badal khuta laga Israelites khan ke Chaya kuri dishe jitya tai khan balu mati ke par kuri thakishe. Itu Chaya pora taikhan ke suraj laga groom pora bi bacahi she. Itu kilekoile tai khan Chaya te thakishe itu karone hi tai khan bhagor lagainai iman groom thakile bi. Tai khamn itu bimar khan bi huanai itu gorom pora.

Jinika badal laga Chaya ji pora groom lagibo diyanai, dhoop pora bachaishe aru thanda Chaya dishe Israel manu khan ke inika hi Jisu bi ami khan karone ase isor Jehovah aru ami khan majote. Jitya bi ami khan Isor laga gussa niche te ahe, aru Isor laga faisla majote ahe, Isor Jisu laga morom pora hi itu badal nishina ami khan ke Chaya kuri kene bachai diye. Tai laga kruste khun phelai diya karone hi, pobitro Isor aru papi manu majote ekta bhal rishta ase.

Aposle paul pora inika likhe: 1 Corinthians 10:1,2 ami laga bhai kokai khan napahoribi ami khanlaga khandan laga baba khan ki korisile junkhan moses laga piche piche ahishe; tai khanbadal laga modot te asile aru tai khan iku bi  digdar napai kene lala sammundar ke par kurishe, badal te aru samundar tea ti khan moses laga chela lagan am pora baptisma loishe.

Jitya Jisu Krista ke swarg te uthai kene loi jaishe, ekat badal pora hi tai ke lobule ahishe, jitu hi taike swarg te loi jaishe. Oh Isor laga bacha khan, tai junke hi swagte badal pora loi jaishe, ahibo arubi badal pora hi. Jitya bajna bajabo, apuni ke bi badal khan por ahi dhuribo aru Isor logote thakibole hodai din karone milai dibo.

Aji bhabna kuribolelaga pobitro kotha tu hoile revelations 1:7 sabi tai badal te bohi kene ahi ase. Sob manu khan  tai ke sabole pabo, tai khan bi junkhan taike moraise. Prithibi laga sob manu khan taike saikene kandibo. Inika hi hobole dibi.