Nov 28 – THEEN DEYRAA

MATHAI 17:4JANA PETHRU YESUNA DEKAN-PRABHU APAN ATHA RERO AACHO, THONA KHATHER VATHO, ATHA THONA YEKAN, MOSHENA YEKAN, YELIYAN YEK, HANU THEEN DEYRANA BHANDUCHU KO.

YETHA YESU RUP BADALAGO JANA PETHURUR DALL GHANO KHUSHITHI BHARAGI. YEEJ KHUSHIMA BHARARO JAKO PETHRU APAN ATHA RERO AACHO KAN KO. VU VAATH KATHRA SASO VIYA! DEKATHO.

JEEVANEMA  AVAJAKO SAMASYAVUTHI VELA PADAJETHI, YESU PRABHUTHI GATLAPER VO DEVER SANNIDHIMA RERO KATHRA NASHEEBDHAR KUNIKA!  HANO GATLAPER DEVETHI RERO ANUBHAVA APANEN AJJI JADA SEVA KAREN JOR PALEN MOTO KAAM KARERVACHA. ATHRAJ KONI PAN THU DEVER SEVAMA MUNDAG BADAN JAYENA THON CHAVNU JAKO VU THARAS, ROSAMENA DACHA.

APAN VACHAN PADEJU MOSHEY ANN YELIYA DIKAYER SATH PETHRU GHANO JOSHETHI BHARAN VATHEY KARER KAI KAN KALENIJU HANU KO , KANKREN KATHO PEYHRUNA DEKER SATH VEJAVNU KELEVALO, VUJ ROSHMETHI DEVER VUMPER PETHRUN CHAJAKO PREMETHI HANO KOCHKAN MALAMVACHA. (MARK 9:6)

MAR PREMER DEVER BEPTAVO APAN ARAJ KARAJANAN MOSHEY YELIYA KAJAKO DEVER SEVA KIDEJEN DEKERO VU ACHOJ ANN APANER DALLENA GHANO KHUSHI LAGACHA.

MOSHEY ANN YELIYA DOYI YESUTHI HAATH BHELATHO YEE DHARTHINAJ HETVUMPER KARNAKIYE KAN2 PETHRU KELDO KAIKO. HANO BHALAN YISRAELEVALEN ROMAVALUR HATHEMATHI CHODAN YEK MOTO RAJYAM YEE JAMMIPER 7BHADACH KAN KELDO.

YESEJI PUCHENI AANG PETHRU HANO KEROCHA “..PRABHU THAR KHATHER VATHO” KATHO PETHRU NA VU ARAJ KARERVONA YEE DEVER KHATHER VATHOJ CHALACH NAYHKAN CHALENI KAN AACHO MALAM. JETHIJ YAKOB LAKACHA 4:15 JETHI DEVENA KHATHER VATHO HAM BANCHAN RATHO, YENAVONA KARIYA KAN KELENU. SASIJ APAN KAI KAROTHOI VU DEVER KHATHER RATHOJ CHALNU KAN DEVENAJ HAVAAL KARLENU.

MATHAI 26:39 VACHANEMA PADACHA, THODSEK DOOR JAAN VUNDO PADAN- MAAR BAAPU, YEE KACHOLI MAATHI CHETI VERVATHO CHETIVAJU KARES, ATHOI MAAR KHATHER KONI THAR KHATHERER NAI CHALED KAN ARAJ KIDOKAN DEKACHA.

AJJI JADA DHYAN KAREN PADO GEEDER GRANDH 15:1YEHOVA KUN THAR DERAMA RER VACHA? KUN THAR PAVITHAR DHADIYAPER VASSER VACHA?.