Nov 26 – Tinta gawahi!

1 John 5:8 atma pani aru khun; itu tinta bi ekta kotha hi koi ase. Aru itu prithibi te koise.

Apostle paul por atinta kotha koi gawahi diya laga_atma , pani aru khun. Itu khan sob gawahi diye sapha hua laga, jitu pora ekta manu thik hoi jai Isor laga agete ahibole nimite.

Purana niom laga homoi te, judi kunuba tu raja lga agte jabole ase, tai bishi kam khan kuribole lage nijor ke sapha kuribole nimite. Pobitro kotha pora tinta tarika koi sapha hua laga. Numbers laga kitab te chapter 19 te , ami khan pani pora sapha kura laga pai, jitu ase gau sapha kura laga.

Khun pora sapha kura tu janaibhitor laga manu ke sapha kura laga, nahoile bi atma sapha jura laga. Ekta manu laga mon tu Isor logote rishta banabole, itu bishi zaroori ase mon sapha hobole.

Pobitro kotha pora tisra kisim laga sapha hua ke bi koi, jitu atma pora ase. Ami khan pore Isaiah 4:4 jitya Isor pora sapha kure zion laga suali khan laga moila khan ke,  aru sapha kuribo Jerusalem laga khun pora tai laga majete, atma phaisla kura laga  aru atma julai diya laga.

Jitya Isor Jisu itu prithibi te minister kuri thakishe, tai ekta chilemchi te pani dhali kene disciples khan laga theng khan ke dhulai dishe(john 13:5). Aji laga homoi te pani pora hi baptisma diye, jitu tu hi ami khan laga kotha ami khan Isor ke diye.

Disciples khan laga theng ke dhulai kene, Jisu  pra tai laga khun krus te phelaishe. Aru Isor laga khun pora hi ami khan ke pap pora sapha kuri diye.

Itu pichete hi, pobitro atma tu sob laga uporte ahishe jun khan karma te thakishe. sob tinta kisim sapha kura laga, pani pora, khun pora aru pobitor atma pora itu khan sob zaroori ase Isor laga bacha khan karone.

Judi Jisu pora tai nijor ke tyag nakura hoile tu armu tai alaga khun tu krus te phelanai kuile, ami khan laga pap khan karone, tini hoile kun bi pobitro atma ke pabole hakdar thakanai. Itu karone purana niom te, ami khan khali homoi-homoi te hi pobitro atma aha ke dikhi pai, aru hodai din mon te boha tu nadikhi.

Hoilebbi ami khan sapha hoi kene hi ami khan pobitro atma ke pabole pare. Kile koi le Isor pora hi tai laga khun ke phelaishe itu karone hi, ami itu khan jibon te paishe. Aru Isor jun hi atma te ase, ami khan ke tai laga pobitro atma pora hi chuni loi.  Kiman bi bhal kotha ase Jisu laga pobitro atma laga Shakti ami khan  bhitorte ase. Oh Isor laga bacha khan, nijor ke sapha hobole karone isor ke dibi.Revelations 5:9,10 tai khan ekta notun gana kurishe, apuni utu kagoj ke loi kene utu stamp bhangabole nimite thik ase.

Kile koile apuni moraise, aru apuni manu laga pap nimite moria pora apuni sob jati laga manu khan ke, sob bhasa laga manu khan ke, sob desh laga manu khan ke, sob rong laga manu khan ke Isor laga usorte ani dishe. Apuni tai khan ke isor laga desh laga raja aru pujari banai dishe aru tai khan itu prithibi ke cholabo.