Nov 26 – THEEN GAVAAYI

1 Yohan 5:8 Gavaayi devaal theen cha;vo kai katho Athma, paani, loyee, ye theeni yekven cha.

Yee vachanema apostle Paul Athma, paani, loyeer vadithi gavaayi denu malam karroch. Hinema gavaayin rakaldathoj Dever prasannathema jayerviye.

Juno kararemar daadema yek admi kunireda Rajer darbarema javanu katho von vuj shudh karlero kaam masaj vethi. Bibilemar vachaner prakar theen thara shudh karlerkarler vadi malam karacha. Voma yek Ginthir Grandh 19 hassoma paanithi shudh vero  yee jeeven shudh karlero kan malam karacha.

Loyeethi shudh vero katho  mayeer manikyan natho jeevadan shudh karlero. Kanavatho mayimaar manikyan shudh karlatho vu Devethi daayi sambandh vethanu jeevadan acho dhonakacha.

Dever vachan Athamthi sada shudh vero vadi malam karacha. Yeshaya 4:4 vachanema dekacha, Nevu karevalo Athmathin balkakero Athmathini Prabhu Seeyoner betivun chajako kalamashmena dhonakajana Yerushalemen laagrijako loyeena vor vachethi kanaken vona shudh karacha.

Yohan 13:5 vachanema Yesu Christhu sada yek kacholima paani vundan chelar pagena dhoyo. Yeej paani baptismen dekalacha vothi apan Prabhuthi kararen karacha. Hano dhoyo jerpacha Yesu Christhu caluvary siluvaper loyeena redan apaner sey paapen dhonako.

Penthekosther thevaarer daad aayo jana Pavithar Athma  vosey yekjaag golavemelejeper vutharan aayojen dekacha. Hanoj panothi, loyeethi ann Athmathin sada shudh vero yek Christhuvalun ghano avasaram vencha.

Vuj Yesu Christhu caluvary siluvaper apaner paap dhorayer vasu loyeen naredo vatho aaj apan Pavithar Athman leletheykoni. Jethi Juno kararemar daadema kannako yekhaptha Pavithar Athma ayevalo paran hamesha admir dallema vassevalo koni.

Lapan aaj apan Yesu Christhu caluvary siluvaper apaner paap dhorayer vasu loyeen redojegali Pavithar Athman paayen yogyatha malicha. Vu Yesur loyeemaj apanen jeev malicha. Athma venchajako

Dev apanen Vor Pavithar Athmathi abhishek karacha. Yee Kathra nasheeb apaner malich kunika vu Yesu Christhur loyeema jeevena , Pavithar Athmar abhishekamema payero ! Mar premer Dever beptavo thu thar jeevada jeev ann Athma bshudh vervasu thon thuj Yesu Christhun havaal karlevaler nai renu kan malam karrochu.

Ajji jada dhyan karen pado Darshaner Grandh 5:9, 10 Vo_mot thu grnadhena lenan, vor mudran phodena chajevalo chi;kassenkatho- thu bhokan ven soli valademathin, vaathemathin, jannemathin, malkemathi manikyana Dever vas kan thar loyeen den, hamar Dever aang vundena Rajernain, Yajakernai kidochi;ham dharthima paalan kariyakan navvo geedena boley.