Nov 25 – Tinta pratibadha!

1 corinthians 2:2kile koile ami jitya bi apuni khan logote asile , ami Jisu Krista aru krsta moria laga kotha khan ke chari kene dusra sob kotha khan pahori jaisile.

Itu tu ekta thik pratibadha ase ki apuni nijor laga jibon te banai, ji pora apuni ke bachai aru apuni ke hohai kure apuni ke Isor laga ashirbad tu apbole karone. Aji ahibi ami khan bhabana kuribo tinta Isor laga manu uporte.

Poila, Daniel laga pratibadha. Daniel pora tai laga mon te banai loishe ki tai nijor ke moila nakuribo itu babaylon laga khana khan pora.  Pobitro kotha te koi Daniel 1:8 daniel bhabna kuri loise tai tate laga raja laga ghor laga kha loa aru mudu khan ke khai kene nije ke niom pora moila nakuribo aru  aru itu nimite tai ashpenaz laga modot mangishe.

Kile koile itu laga pratibadha thaka karone hi, Isor pora taike chief officer laga agete morom aru daya hobole dishe (Daniel 1:9). Jitya ut dos din khotom hoishe, titya dusra jawan manukhan jun khan raja laga ghor laga kha loa khan khai ase taikhan pora itu khan hi bhal dihi ase (Daniel 1:15). Itu ekla nahoi kene, hoilebi sob kam te budhi aru buji bole laga juntu raja pora porikha kurishe, tai paishe ki ki itu dosta jawan hi dos guna bhal ase sob jadugar khan pora jun hi taikhan laga majote thakishe (Daniel 1:20)

Aji nijor ke pratibadha dibi ki apuni bi Isor laga usorte hosa hoi kene thakibo. Aru kityabi ikubi moila aru pap icha, biya khan itu prithibi laga apuni ke Ior laga agete moila hobole nadibo. Jitya apuni inaika pratibadha diye, ami khan laga Ior khali biya pora bachai diya ekla nahoi hoilebi apuni khan ke ashirbad kuri kene uthai diye.

Dusra tu hoile Jacob ase. Tai bi ekta pratibadha dishe ki tai ten thite tu Isor ke dibo. Tai koishe: apuni ami ke jiman dishe itu sob pora ami apuni ke dosta hag dibo. Genesis 28:22. Kile koile tai nijor laga mon te itu bhabana thakishe ki khushi pora Isor ke dibo, Ior bi tai laga uporte khushi hoishe. Itu karone Jacob jun laga hatha te iku bi thakanai agete, hoilebi sob dhon, aru naukar aru janwar logote ghuraishe. Ami khan itu genesis 32:10m te dikhi pai, ami Jordan ke par kuri ase ami laga saman khan logote aru ami duita te bhag hoishe.

Tisra tuh hoile david laga pratibadha te sabo. David tai laga mon te Isor laga  kotha ke manibo koi kene bhabna kuri loishe aru nijor ke Isor laga icha te hi cholabo. Tai nijor ke namro kori kene koishe: apuni amilaga bhag ase, oh Jehovah, ami koishe ki ami apuni laga kotha manibo(psalms 119:57). Jitya isor pora tai lag I cha  dikhishe, Isor taike uthai dishe aru taike pura Israel laga raja banai dishe.

Oh Isor laga bacha khan, judi apuni nijor laga mon te inika pratibadha loi isor laga kotha uporte, tai apuni ke ginibo napara asish dibo aru apuni ke uthai dibo. Apuni kitya bi sorom nakhabo.

Psalms 119:16 apuni laga niom khan ke ami bhal lage aru itu kotha khanke ami kityabi napahoribo.