Nov 25 – THEEN THARAR GHAT KARLERO

1 Corinthivalun 2:2Siluvaper Vu Yesu Christhuna sava, dusaro kunsini thamar vacha namalamvenukan ghat karlidotho.

Thu thar jeevanema lelajako ghat theermanamaj thon  rakshana karan Dever ashishenan, krupan lavacha. Aaj  apan theen amdivo kukan vuner ghat theermanamen malam kidechko dekha.

Agedi Daniel.Yee Daniel Babyloner Raj vu vor devathan samarpana karan dinojako khanethi vor jeeven apavithr karlenu konikan ghat theermanamen kidoju dekacha. Vachan hano kacha (Daniel 1:8)

Raj demlojako khanena vu piyer angurer rassena peethanu Danieler jeevadana apavithr karlenu konikan theermanam karan, yee khorakin khathanu angurer rassena peethanu maar jeevadan apavithr karler veni kan khanen layojako Baayilana  nakhavaju thamnakevasu nora kidotho . Yee theermanamen kido Jethij vu Baayila Danieleper dayana premen dekalo kan (Daniel 1:9)

vachanema dekacha. (Daniel 2:15) dekatho  dass daadepach Danielenan vor dosthidarevun vuj Baayila paricho kidotho Raj demelojako khanen khadejey dusar manikyathi jadaj thaja vethanu sethi jada vunder mundo jhankrojen ditto. (Daniel 1:20)

vachan prakar  Daniel ann vor dosthidarevun votha Rajer darbarema chajako jaadu karevalethin, haathmasko karevalethin jada jenena ,samjero akkal chaju Raj paricho kidojana dass haso vethi kan malam vee.

Thu sada Danieler Deven niyathethi banchuchu kan haval karlethanu yee loker asa paapkarer sochen thar jevanema jaag dethani thon thuj apavithr karlenu koni. Jana Dev thu haal venijau jathan karan thona sethi vuncho padan ashish karacha.

Deemo Yakober theermanamen deka. Vu Dev dinojako sema dass haso Deven ditho ayo. (Agadiyar Grandh 28:22) vachanema Yakob hano Devethi ko Thu kaimanna dasthoi voma ma daas haso dunchu. Hano dunchu kan vor dallema ghat karlidokarlido jethi Dev sada pasand vego. Jesaru Yakob hoto aayo jana masaj  kaamdaryathi masaj gavdigodavuthi paran ayo. (Agadiyar Grandh 32:10)

vachanema Yakob kacha, Maa Yordhan daato jana hather lakadithi daatotho pan abba ma dee khandanethi hoto avaju Dev kidoch. Theenmo

Daveeder theermanamen deka. Yee Daveed Dever vathena ann Vor shasanamena puro dallethi chaluchu kan ghat karlido. (Geeder Grandh 119:57) Daveed von vuj kam karlen hano ko, Yehova Thuj mar vento; Thar vaather nai chalena ma ghat kidochu.

Deveeder tharasen Dev dekan Yisrael rajyamenaj moto Rajer nai vunch padan abhishek kido.

Mar premer Dever beptavo thu Dever vathena maanevasu thar dallema ghat karlido kela ajji Dev thona sethi vuncho padan thona kai kam naraju ashish karacha.