Nov 24 – Tinta kotha!

Romans 12:12 apuni laga asa apuni ke khusi rakhibole lage , digdar pailebi ki kam kori ase itu ke kori thakibi aru sob homoite prathana kori thakibi.

Itu upor laga verse hisab te, pobitro kotha pora tinta kotha ase. Itu verse te koi kinika ekta biswasi akha te thakibo lage, digdar pa te thakibo lage aru prathana te kinika thakibo lage.

Poile akha te khushi thakibi. Itu prithibi lga manu khan tai khan laga akha tu poisa, dhon aru tai khan laga pehchan pora rakhe. Hoilebi itu khan sob Biswas kuribole napara laga kotha khan hi ase. Itu karone apuni laga akha tu Isor laga uporte hi rakhibi.

Psalms likha david ppora  koi: “ami khan laga baba khan apuni ke Biswas kurishe, tai khan Biswas kurishe aru apuni bachai dishe. Tai khan apuni age te kandi she aru apuni bachai dishe, aru sorom khanai. Ami ke dhuri thakishe apuni jonom pora. Ami laga ama laga pet pora apuni hi ami laga Isor ase. Psalms 22:4,5,10

Judi apuni Isor ke Biswas kure, khemai hi apuni ke gherau kuribo (psalms 32:10) khushi thakibi Biswas te. Ashirbad ase  utu manu jun khan isor ke Biswas kure. Psalms 84:12

Dusra tu hoile, shanti thakibi apuni laga duk digdar laga homoi te. Sob manu itu prithibi laga dukh digdar thakibo.sob manu tai khan laga dhon, pora likha aru tai khan laga pehchan ke hisab nathaki kene bi dukh digdar tbhakibole hi ase. Ami khan kitya bi bhabna nakuribo lage ki biswasi khan kitya bi dukh digdar khan nathakibo. Isor tai nijor pora hi jani dishe: “itu prithibi te apuni khan dukh digdar thakibo ase; hoilebi khushi te thakibi, ami itu prithibi ke hara dishe. John 16:33

Apuni khan tu shanti thakibole janibo laage apuni jitya dukh digdar khan ahe. Kile koile apuni jitya bhoi pora kapi bi satan hi khushi hobo. Itu dukh laga rasta te jitibole parishe koile hi apuni swarg laga rasta te jabole paribo. Itu karone dukh te bi shanti te thakibi. Aru apostle paul pora bi amikhan ke Biswas te kinika thakibolage itu ke shikai dishe, aru ami khan tu Isor laga rajyo te ghushi bole, itu dukh khan pora hi. Acts 14:22

Aru tisra tu hoile hodai din prathana kuri thakibo lage. Apuni khan prathana kuri bole kitya bi alchai nahobo lage. Ami khan laga Isor pora ekta vidavah laga kotha koi kene ami khan kinika parathana kuri thkaibo lage itu ke shikai dishe. Aru ses te, ami khan itu bi dihe ki kinika tai hosa ke paishe, itu hosa nathaka manu pora. Luke 18:5 Oh Isor laga bacha khan, kitya bi napahoribi ki sob prathana laga jawab tu Isor pora diye.

Acts 4:31 tai khan jun jag ate thaki ke prathana kurishe, prathana khotom hobole pichete utu jaga hilibole lagise, taikhan laga bhitorte pobitro atma ahi jaishe aru tai khan bhoi nalagi kene Isor laga kotha ke kobole lagishe.