Nov 23 – YAGI MAYONGBANJI!

“Ednegoi dele do banagge maran kahidle. Bar anin pisirdianji batte Abraam a mayongban anurungan dele. Bar bitti maran janang kahidle do tarzltzlan dele” (Luk 16:22).

Nami a denna-lingan agijba yagi mayong-beranji: Abraam a mayongban, Dolila a mayongban do anabsittan a mayongban.

Anab-boi: Abraam a mayongban, gamlenden sanabyun a mayongan. Kan jujulen do kuddub Israel maranji a u’an do kuddub dernna maranji apsele, ayengan a mandran Israel maranji saring murdadam. Angante banagge mar Lajaran kahidle danukkan do arasudan batte, anin a d’ong anurungan dele Kitungan a pissirdianji batte, Abraam a mayongban, sabyubenm asan. Iten deleja mangben a daku arasudanji do kanalkalanji ahangten kan ordar-lingan, d’ongben Kitungdage batte sanabyun debenten.

Anab-bagu: Dolila a mayongban. Angante gijtate langga darakuna abmele, kan ate aboi erahid anab-kalkalba panlangte. Dolila amangba, bo radumaran dakule Israelmaranji amang saring, do Bitsara Samson. Bindo anlen kuddublen galamtabe Samson atanakud-lingan iten dele – amadan tableji, abab-lingan a uu kunleji, kuddub arapti abs’idle do kuddub adanegodan abs’idle, aganugu do kuddub abaranji.

Anten asan, kun ganijmad darakunan saring dunglen ayirben dete do kan pintudage ordaran saring. Kan basudan ambrij aberna a inslonji saring sagai dakunabe dete. bibolan gadlamlangten: “do a s’ingan bar a tangoran karahidban yerte; Anin amangban a yerten a mandranji daiyarre adayeraiji, bar aninji mandrengna godan okij adhangeji” (Bangsa Hanang 2:18,19).

Kan ambrij a inslonji amang saring sagai ahanaben dele, do kan ambrij a inslonji a s’ingba ayirdong, amaben bigardanji a d’ong abpemenga, do mihnumben anabatengan dete; bigardanji batte bitibenji pangandete, do amben ahangle abitinji bigardanji ate dete; do amben bangsale adakute, angante d’ongben do kandar d’ongben s’ite, do agamte: “Hen yangam anob-lingan delih, do j’e-hen abmaniad! Hanangan eramdang, anabhangangji eramdang! Hen bigarda god-lingan dakulen, er mailihben ranukunji do kanuduihji ampara” (Bangsa Hanang 5:8-14).

Anab-yagi: anabsittan a mayongban, nami anlen agijba. Mayongben anabsittan a mayongan. Do anabsittan a mayongan adebendete, amben bigardanji asayamben dete. Kitungan Jisun gamle: “Tiyba, do amben janang taniyan adete: bangsa tanaredan batte, yole, Yule, do kan ambrij ayangte” (Luk 6:38).

Tanahimdam Kitungan a onagji, angajanang amben a tiyte Kitungan a d’ong, man’oihan batte do Kuddub j’eben batte. Banagge maranji do er sayam-maranji angante amben asayamte amben m’oih gamle a imdamten. Do Kitungan awrloge absittabenten.

Okiy Kinolbe absele: “kani ordar lingan a kuddub jattinji saring Gamang Kitung-ben abgugute” (Bagujuanaber 28:1).