Nov 20 – Ghutna laga anubhav!

Ezekeil 47:4 aru, tai ginishe ek hazar bar aru anishe amike pani pora; pani juntu ami laga ghutna tok ahishe.

Apuni laga prathana laga jibon te, apuni khan khali narukhibo lage apuni laga theng laga anubhav tok. Apuni khan dusra bhag te bi jabo lage juntu hi bishi zaroori ase itu ase apuni laga ghutna laga anubhav. Itya, ki ase ghutna laga anubhav? Itu tu prathana jibon ase.

Itu tu kafi nahoi khali khushi laga pobitro atma pora bhorta hua tu. Itu karone Isor pora mmatishe tai laga bacha khan ke, ghutna laga anubhav te jabole nimite. Apuni khan khali Isor laga mahima te khushi hua kiman zaroori ase iman hi zaroori ase apuni khan eljon ekjon ke prathana te thaka.

Isor tu bishi utsuk hoi kene rukhi ase apuni laga prathana nimite apui kitya ghutna tea hi kene tai usor te dusra manu khan karone prathna kuribo. Tai laga bacha khan ke itu kuribole rukhi ase. Ami khan laga Isor Jisu Krista bi ekta bishi prathana kura laga thakishe. tai hodai din mon khuli  kene prathana kuri thakishe. ​Pobitro kotha pora koi thakishe ki  tai bishi mon te dukh li kene prathana kuri thakishe, aru tai laga posina bi khun nishina hi mati te giri thakishe. (Luke 22:44)

Sob biswasi khan pobitro kotha te kua hisab te bishi prathana kura laga manu khan hi thakishejun khan tai khan laga judho khan tu ghutna te prathana kuri kene thaka karone hi jitishe. Jitya ekta rajyo laga niom prathana kura uporte ulaishe titya bi Daniel tai laga Isor ke prathana kuribole rukhanai tai ghutna te hi prathana kri thakishe, aru Jerusalem phale sai kene prathana kuri thakishe. tai laga mon te tai banai loishe aru itu karone hi jitya taike bhag laga ghor te dhali dishe titya bi tai prathana kura rukhianai aru itu ke dhuri kene thakishe. it karone Isor tai karone larishhe bhag laga muk ke bondh kurai dishes aru tai ke bachai she.

​Stephen bi bishi parathana kura laga manu thakishe. tai laga dukh homoi te bi jitya  dushman khan pathot  uthai kene tai ke mari thakishhe titya bi Stephen tu ghutna te thaki kene, swarg phale sai kene prathana kurishe, aru tai swarg laga sob dikhible parishe. Tai Jisu Krista ke khara hoi kne thaka dikhishse tai karone, Jehovaha lagadahina hath phine thaka dikhishe, aru stephene tu bishi khushi hoishe.

​Oh Isor laga bacha khan, aji kali laga jibon te bishi niom khan tu hoile nai ami khan kinika prathana kuribo lage nalage. Aru bhag laga ghor laga bhoi bi ikuu nai nahoilebi pathor mari kene mora laga niom khan bi nai. ami khan ke Isor pora kiman bhal aru sundor dorwaja khuli ken ease. Aru tai amikhan sob ke bi pobitro  atma laga ashirbad di ken ease.

Psalms 95:6 oh ahibi, ahibi sheva kuribo aru shish jhukabo, ghutna te ahibo jun hi Isor ami khan ke banaishe.