Nov 20 – MANDARDI-AJARU AHIMNA!

“Anin barokij bo ajar santi jongle do d’an a tarangdi d’ong-hen absanlih do d’an bo mandardi sikkoi dakule.” (Ezekiel 47:4).

Garberna mandrengnaben, amben er kaddab-ling-ben jaru onogandi batte orde jaru anoganal batte ahimna-lingan. amben adakunaben dete do bo jaru himling a turdumben dete. Nami, a turdumben agaramgam iten? Kan a garamgaman garber mandrengnan.

Anablu-lingan man’oihan batte abasuben er tungladam do Marid Janggardan ahimna-ling barij deben dete. anten asan Kitunglen amandranji a d’ong tanimyiman batte gudingte, turdumle jaru ahimana ahangben asan. Kitung-lingan man’oih sattangted bindo dile denna bo jaru himdamlen garberan batte abhananaben dete.

Kitungan saite bo garber ompun ayengan a mandranji turdumle garbertenji bigrdanji do desan abmele. Anin aitsuman amandranji turdumle Anin batten a garbernaben dete. Kitunglen Jisun Anin aboi ranaptidam garbermarlen. Anin garberlen dakuneten bo surda anogalan do bo surda uggaran batte. Bibolan gamte d’onglen Bar karran asudaj’elen Anin ranranloge garbereten. Do Anin udhulan labo lingan a galulen a surda janatad mihaman ambrij dele (Luk 22:44).

Kuddub badlohim-maranji Bibol-lingan edol-leji, bo surda garber ompun abmele, tanurduman batte agarberanji bo janggardadage ranabangan adelen ate. angante Babylon-lingan garberan abmele panglan beran dele, Daniel er kaddab-ling-ben garberren do abgugule dakuneten, turdumle, kzrdiking rile Jerusalemba mukkale. Anin ogandile a uggar-lingan do aninji d’ong-hen s’iokidan lingan pidlihji ja garbertihnai gamle, turdumle a garberan adkadabnad, do er kaddabling-ben garber-ling dakuneten. Kun asan, Kitungan anin apsele sanulen do s’iokidanji at’od abkadabnale, do ablueten.

Stephen janang turdumle garberneten. Angante mandranji a d’ongan a tuabben asan arengan hidaleji, Stphen turdumle, ruangban gijgijle do garberling, do anin atanalmad-ling gijle ruangan-lingan abaran. Anin gijle Gamangtungan Jisun anin abmele atnanglen ate, U’an a jandrumsiban, do Stephen ateng m’oihle.

Tanahimdam Kitungan a onagji, nami a denna linganji desa linglen a nordin agasa a garbernaben apsele. S’iokidan abantongbented orde arenganji abantongbented karahidan abmele. Kitunglen anablu asanang arerre dakkule. Do Anin anordin tiylai agarbernaben ajanababan janggarda-lingan do janardin-lingan.

Okiy Kinolbe absele: “Jaba, anlen labduiboblen Anin a d’ong a senpwrba; Sanabja Mar-len, Gamangtungan, a mukkaban anlen a turdumba” (Sanenken 95:6).