Nov 20 – GODER ATHRA VUNDO MALAMCHAJAKO

Yehezkel 47:4 Dev vajji 1000 vether athra kolachan paanimathi manna chalayojana vu paani goder athra vundo chaju malamvee.

Thu thar arajkarajako jeevanen pager  vundo athraj malamchaju renu koni. Ghano avashyam chajako vaath kaikatho godeer athra vundo araj kareroj.  Asal “” GODER ATHRA VUNDO MALAMCHAJAKO”” Katho kai? Vu Devethi daai rethanu araj kareroj?

Rakshanama rero Pavithar Athmathi bharan rero athraj derkoni. Jethi Dev  ” GODER ATHRA VUNDO MALAMKARLENU KAN premethi balarocha. Prabhuma anand payero atharaj koni pan herghadi araj kareroj Avashyam vencha.

Dusarevasu anna desher vasu godiper hubaran vinathi kareval chavnu ken dekarocha. Hano Devethi bhalan arajkarnu karevalernai renu. Kankren katho apaner Prabhu Yesu Devaj vinathi karevalo cha.

Vachanema dekacha, (Luka 22:44) Yesu ghano kaaklothethin dall phutan araj kidojana, Vor parsina loyeer moto bunder nai jammiper pado.Apan Bibilema bhakthidarer seri jeevanema dekatho seji vunen ayeejako velan godiper hubaran vinathi karan jayam lelide. Babulonema Daniel araj karanaju thamnaknu ken, araj karrojako Danielen dekan pakadan Sinkoser khuvama beganaketho Daniel godiper hubaran vinathi kidojethi Dev Sinkoser munden burnakan jathan kido.

Sthephener jeevanema sada von marnakenukan sey bhata jallen gheran vethejana vu seri mundag godivalan araj kidojana vu asmaner darshanema Yesu Prabhu Vor baaper jamman pakthima betojen dito jethi vu ghano khushi kido.

Mar premer Dever beptavo aaj thu araj karen athra maando velar daad kai cheni.Nathkan apan Sinkoser khuvan dekan ann bhatthi maren geran chajen dekan chamkan remain ka. Yeseji velama Dev Vor krupathi bagal vagadan thu athamthi sathethi araj karen sahayam karacha.

Ajji jada dhyan karen pado Geeder Grandh 95:6 Apanena banayojako Yehovar aanga apan ardhana karan, aadopadan, godivaala aavo.