Nov 19 – A MUKKA SANILSAIBA!

“Mukka-Hen sanilsaija, gamle Aman kan a bernan gamlen asan j’e-hen d’ong-Nam gamte, E Gamangtung, mukka-Nam hen sanilsaijtai.” (Sanenken 27:8).

Angante amben agarberten, amben Kitungan a mukka agijgijte. Angante amben Anin atemang-lingan adakute mandrengnaben puangan lingan marangtaben, garberan batte a mukkan saiba.

Mojes bakkurdi denna dakuneten do bakkurdi togal Kitungan atemangling, Anin amukka saile, Sinoy baru-lingan. Angante baruba saring Mojes daiyerlai a mukkan ateng puangle, Kitungan atanurdun saring. Israel maranji armukka armukka gijle adrabtieadji, iten asan gamlenden amukkan a puanglen asan. Stephen janang, abmele angante a d’ongan atuaben ayamlen, amukka puangle pissirdianji ambrij. Stephen a garberneten asan.

Butente garberna-lingan adakune, Kitungan atan’aran do aganugun adhage. Adgarbernen asan, Kitungdage aranaptin adhage sannamangan apsele. Abaran batte ruangan anabsittan er janajan do tanudaban dete.

Pwrban a berna daku Abraam abmele. Angante bo banadgi maran atanang dakule a s’ingba adamba, asuyeman batte anin a d’ong jale, do gaganan tiyle adulajan ab’eben asan. Itedeleja, anin dukkadale angante kun mandran gaganan susule, Kitungan a d’ong er sinlabe agalen asan. Anin a d’ongan gonle do saninsingnan adtiylen asan.

Kun a denna, atanalmad-lingan Kitungan absuidamlen do a d’ongan gamle: “Hen ganagan do jzjznan tiylai badgemaran a d’ong yakurdi galji mihnum saring. Agaja adsinglih, Hen ganaga tiyle daku do madrangle daku. Bindo aman ardule barabdalam saninsingnan adtiylen asan bo tagorbatte. Hen, na Kitungan, uyungan gabdelle abpuangben asan do ganuran appailai banangsa do er banangsa-lingan, anin batte laggadamlen dakuna”.

Tanahimdam Kitungan a onagji, Kitunglen kuddub bangsa taniytiyan tiylangten. Do butente amangba garberteji, Anin aurloge tiyte a d’onganji.

Okiy Kinolbe absele: “ahim-Hen batte ahiman hanglen a mandra-Henji bogad aninjidaman labgaddamlen garberrenjiden, bar mukka-Hen sanilsaijlenjiden, do a ersz godanji saring daiyarre yeraienjiden, etteden Hen riangan saring amdangle aninji a pintun tabmadtai bar aninji a desan absamangtai” (2 Birinda 7:14).