Nov 15 – PARADAR LAAR

Paramer Geed 4:1 Mar premee, maar sundari maar sundari thu paradar laarethi kabutharer aankir nai dikhareechi.

Paradar laarethi kabutharer aankir nai cha katho Vu Rajer anki kan, Prabhu pasand karach ken aratham. Parada katho Prabhuna maryadidenan araj karena polikathi samaan cha. Ajji yee vachan bhakthidar chajako yaadivo seji bhalan matheper parada volden araj karrejethi dekeja.

Doosaresaru ankir haasu redan dallema bharo mellen araj karevalen Prabhu masaj pasand karacha. Vunden dekan Prabhu kerocha paradar laarethi kabutharer aankir nai dikhareecho.

Agadiyar Grandh 18 hassothi apaner viswasmer paddada Abrahamer seva shuru vikan dekacha. Yee hassoma Sodom Gomorrah sharer vadi Dever sannidhima araj kidojen dekhancha. Yee araj karen Abrahamer dallema preethi ann karunathi bharagich jethi hano araj kido.

Moseyr anki sada kabuther ankir nai vethi. Kaivasu katho Dev Yisraelevalen vo kidejako vottey kichithi vunen seni marnaknu keldojanna Mosey Dever sannidima araj kidojethi Dev Vor dallenaj  marnakanaju badlavni karlido. Esther sada Yudavaalen marnakanu kan hakkam ayeejana 3 daad vupavaas karthanu Dever sannidima araj kidi.

Yekvela thar katamlema ladai ,kaklothi chajethi thona samaadhaan cheniju chi kaiko( Yirmia 29:13) thona Dev kerocha, tharo puro dallethi Dever saam dekan, thar dallemar ghosana bhar melnaka.(Geeder Grandh 119:62)  Thar niyather nevervadi thona sthuthi karena, aajraather vagathi maayi ma jaagyavunchu.

Abba Yesu Christhur vadithi soch karatho Yesur anki sada nandir paanithin doodethi dhoramlejako kabutharer ankir nai ra. (Luka 11:35)  vachanema Lazer margo jana Yesu ankir haasu redojen dekacha. (Luka 19:41 vachanema sada Yesu Prabhu Yerushalemer vaas royoju dekacha. Athraj koni pan Yesu ghano kaaklothethin dall phootan araj kidojana, Vor parseena loyeer moto boonder nai jammiper pado.

Yeej thara maar premer Dever beptavo thu saha Yesu baapur nai godi vaalan ankit haasuthi thamanaju araj karero seekhla.

Ajji jada dhyan karen pado Zechariah 12:10 Daveeder valaadeperan Yerushalemema vasarejako serivumper karunan dekaler Athmathi vinathi karer Athmana vuneper vundavunchu.