Nov 14 – THU KHUNDNAAKECHI

Luka 10:19Yidek, saapenan veenchunan khundenan, dushmaner soli joreper thamena hakamena demalochu;kaithoi thamena haan kareni.

Abba apan padejako vachanema Dever jorena soganer vaathena dekacha. Yee soganer vaathethi Dev thona jorenan adhikaramen derocha. Yeej soganer vaathethi Dev thona rakshanan dethanu jathan karuchu kerocha. Ajji Dev thona hakkamethi kerocha ‘kai thoi thamena haan kareni.

Jagatheema chajako jeevadar haayin ankir asana, jeevaner badayi  yeseji asmanema vyariven chakan dekacha. Padagejako sojavo seji admivun chamkathani ghabrathani satanen dhokaju badlanakerech.

Jethi Akkalethi ro, jaagan ro, kassenkatho- thamar vyaari bhooth, garjajako Sinkoser nai ken galajavu kan dhoondtho parrocha. Yesseji velama sathaneper adhikaar ann jorenan dethanu vona thar taanger heta kundnakocha. “”  THU KHUNDNAAKECHI “” Kethanu  Dev apanethi hakkam dena kai karana riye kechi. Kankren katho Yesu Christhu siluvaper agediyaj sathanen Vor taanger heta kundnakocha. (Agadiyar Grandh 3:15) Dev Edoner baagema dinojako soganer vaath sathaner mathen thonakach ken kojako vaath puro vego. Thu sada Yesu Christhu siluvaper kidoju sathanen thar taanger heta khundnaknu.

Aaj Dever soganer vaath kaivencha? (Geeder Grandh 91:13) thu sinkoseperan, saapeper chalan, motiyar Sinkosenan jorer saapena khundechi.  Jethi masaj manikyavo vuner velabhavetina ann solgejenaj kannai kevukaracha kaivasu katho sathanen taanger heta khunder choddhen vunder kaandeper ajji sathanen palden chajethi.

Maar premer Dever beptavo thu Yesu Christhur loyeema ann Dever vaathema dhoramelo vatho Pavithar Athmathi jorenan adhikaramen pavaju renu. Thar jeevadama ann Athmama satanen khundnaken ghatto hanno barkavnu manna jayam maleecha.

Ajji jada dhyan karen pado Romavalun 16:20 Samadhaner Dev jaldee bhoothena thamar pagger heta khundnakiye; apaner Prabhu Yesu Christhur krupa thamar ser sobath reda.