Nov 15 – YARZMBOBNA-LING-NAM!

“Yarzmbobna-ling-nam amad-namji kukkuranji ambrij” (Solomon a Kanen 4:1).

Yarzmbobna-ling-nam amad-namji kukkuranji ambrij, bo bangsa m’odan ambrij Kitngan gadlamlangten. Yarzmbobna a bernna anabgugu abmele Kitungan apsele gadlamte do garberan janang. Kan a bernna bo inslon Yumboblen a garbertenan ate gadlamlangten.

Angajanang Kitungan gijgijte garber-maranji a garberan, amad-dan batte agarberan bo surda danukkan uggaran batte, bigardanji apsele tanangle gamte a d’onganji Yarzmbobna-ling-ben amad-benji kukkuranji ambrij. (Solomon a Kanen 4:1). Nami Gamangtungan sanaisai ayengan amandran garberna-lingan dakuten do bigardanji abmele garberte.

Anlen gijtabe Janggarda-dage U’alen Abraam, a baran susule aparamangtan 18 a surda lingan saring. Angante anlen kznoltaben kan abmele, galamle raptitabe danukkan abmele a uggar-lingan angante Sodom gamoran apsele garberle gameten adnang. Kan a garberan kuddub danukkanji amdungbe abmele lumle, tanimihan do sanayaman barij delen asan.

Mojeso a mad janang aboi kukkuranji ambrij dakule. Kitungan Israel maranji a d’ong abs’iben apsele oskailen a koralinanji asan. Do Mojes a garberan batte Kuddubanji abmele do Kitungan J’en bandale kun anabs’idan saring.

Esther a d’ong gijgijba! Yagi denna sikoija er gaga-ling-ben do er gada-ling-ben garberneten amadan do rable kuddub Juda desa maranji karahidan saring. Kitungan saite ayengan amandranji bigardanji abmele a garbertenji amandran.

Ambendaman abmele, ateng anabkalkalanji daku do kanalkalanji yirtai, orde sanabyun agasa birinda-lingan. kan abmele, Jirimiya gamle Jirimiya 29:13, Kitungan a d’ong asaiben dete barij uggaran batte do kuddub kanalkalanji surpidben dete. saiben hangnaben dete, do tugar togalan ayamlen ja garbernaben dete. (Sanenken 119:62). Do Kitungan agaja eramdanglaben adakune garbernam.

Nami, yangam Jisu amad dakule? Amadan kukkuranji ambrij Jordan ajorote dakule, aduban batte gijdale, do bangsagam dakuaiten. Jisu edalen Lajar akarahidan adnang (Jon 11:35). Jirusalem garda gijgijle edalen (Luk 19:41). Do gatsamoni dudiban janang, anin garberle danukan batte kuddub ordaran abmele, amadan mihaman ambrij ajoralen sikoija.

Tanahimdam Kitungan a onagji, Kitungan atimanglen turdumle do amdan batte garbernaben dete.

Okiy Kinolbe absele: “Bar Daudo a birindan do Jirusalem a basuten a langka Hen asuyeman do ganarmadan a janggardan latai” (Jikoriya 12:10).