Nov 13 – SETHI NAANKYA

Nevukarevaler Nayaker Grandh 6:15Maar Yajamaan,  ker sahayamethi maa Yisraelevalen jathan karer viye? Maar katmalo Manasseh padaama kai kaam denijako cha. Maar vadbooder valadema maa sethi naankya chu kan Vona ko.

Apaner Prabhu kunvatho vonvu kam karlachko vona ann keni kaam denijen vor paristhithinaj badlanakacha. Dev Vor Rajyamena nankya malaven dekan  hano kerocha, naankis gorlir manda thu chamakmath kan himmath derocha.

Thu thar katmalema nankya chikaiko ann thon kuni herdelare koni kaiko. Seji thon aankima gadaju dekhrech kaiko pan Dev thonaj sethi vuncho padacha. Dever vaath kacha (1 Samuel 2:8) Bhikaarin adhikaarivuthi bhesadenan, mahimar simhasanmena swathanthram karlenan vunen dhoodemathi vuncho padevalo Vuj, kai chenijen gobrer hokaldiparethi vunch padevalo Vuj…

Vo dadema Gideon Dever dai vonvuj kamkarlen hano ko maar katmalo keni kaam denijako ann ma maar baaper gharema naankya chu. Dev yee vathen samalan hano vuthar dino, (Nevukarevaler Nayaker Grandh 6:16)

Maa thar saath revunchu jesaru thu Yekkaj manikyana marnakaju Mudyanevalen marnakechi.  Kethanu Dev ma naankya chu kelerojako Gideonen yee vathethi balaroch Parakramamethi bhararo jako jorevalo.

Daveed sada vor katmalema sethi naankya  ann kuni detekoniju vetho. Yee Daveeden Dev demelojako kaam vor baaper gorlin charayeroj. Pan Daveeder saath Dev vetho. Jethi  kaai kaam denijako ann keni dikayokonijako Daveeden Dev sethi vuncho padan Yisraelevalen Rajer nai Abhishekam karnakethanu hano hakkam dino thar valaad hamesha asheehen pavacha. Yen samalan Daveed (2 Samuel 7:18) Vachanema ko , Maro Prabhu maro Dev Maar gharenan, manna athra vuncho paden ma kun Baapu?Thon sada athra vela rathoi thu Dever saam dekh atho Dev thar saath racha.

(Mica 5:2) vachanema dekatho Yudaya malker Bethlehem, Yudayar palanevalema thu naankis koni;mar jan Yisraelevalena palan karevalo Prabhu, thar maayithi avacha.

Mar premer Dever beptavo thu yek nankis Bethlehemer nai chi kan derdemella. Thar mayimathij Yesu Christhu ayevalo cha. Daadi kaam karajako yek yadir nai hamesha araj karukarnu janaj Yesu Christhu doosarer jeevanema pedaver viye.

Ajji jada  dhyan karen padoLuka 9:48Vunden dekan- yee naankya balakena maar naamer vadi maanlevalo manna maanlacha;manna maanlevalo manna melojeni manlacha;thamema kun naankya chalo, vuj moto kan ko.