Nov 11 – THU MANIKYAN PAKADECHI

Luka 5:10.. Jana Yesu – Seemonen dekan- chamakmath abbethi thu manikyan pakadechi kan ko.

Seemon kajako yek saamanya manikya machali pakadajema aacho akkalethi vetho jen Christhu saru ghano Athmar malaven kamayevasu Dever prasannathema ghasan dekro jako Seemonen dekacha.

Seemoner jeevanema doosarer sahaymethi banchevasu  machali pakadrotho abba ghane manikyana pakadevaler nai Dev moto kaam demeloch. Hanoj thar jeevanema sada Dever saru nammakamethi kaam karastho thon sada ajji moto kaameper nayaker nai hubadacha.

Machali pakadero yee loker kaam vatho manikyan vuner Athmana Dever rajyamevasu pakadero kajako athmikvadi moto kaam ven cha. Yee loker genethi machalin pakader viye kaiko pan Dever genethij manikyan vuner Athmana shaswith rajyamevasu pakadero ghano mot vaath. Athra moto kaamen karnu katho Pethruna Dev ajji jada anubhavamema chalavnu ken Pavithar Athmar varaluthi  bharnako.

Agedi Yesu seemonen kojako kaikatho thu chamakmath. Yetha Seemon kaivasu chamakroch katho Yesu Pavithar Dev ma paapi chu kan chamko just dekacha. Jethij Yesu Baapu Seemonen kerocha thu chamakmath abbethi thu machalin pakdeseni lapan manikyavun pakdevalenai karuchu ken hakkam dino.

Aaj thu sada ma papi chu Baapu manna maap karan thar sevama herdelala katho thon Seemon Pethruthi jada valdacha.

Ajji jada dhyan karen pado Geeder Grandh 36:6 Tharo nayath gatlar nai cha!;thar nyaaya ghano vundo ven cha. Maro Prabhu Thu manikyana ann jaanvaren sada jathan karacha.