Nov 09 – Eikhoi kapkhi!

Eikhoina Kappa adu Iswarna tabiduna Egypt tagi kanbina dutama thabirakkhi. Houjik ti eikhoi Kadeshta leire. (Numbers 20:16)

Haijaba amadi thagatpaga loinana misinggi damaktasu haijaba asi nangna hapkadabani. Misinggi damakta haijaba asi panggal kanbani. Jeremiah na Israel machasinggi damakta haijakhiba adu eikhoina Bibleda thengnei.

Ngasi su nangna awa ana thengnaba misinggi damakta Iswargi maphamda haijabigadabani. Prabuna hai, “Eina masibu manghandanaba kanagumba ningkhairaba chekpan semgattuna akaiba marakta leptuna eigi mangda lepnaba mi ama thikhi. Adubu makhoigi marakta kanasu phangba ngamlamde.” (Ezekiel 22:30) Migi damakta haijaba asi Iswarna soidana paokhumbigani. Nahakna chara hellaga nachasinggi damakta, imunggi damakta amadi jati gi damakta pirang sinthabaga loinana haijaradi Iswar na madu langsekpa toubiroi.

Bible da eikhoina uba phangba adudi, taibanggi oina ningthou Amana mahakki maharani Esther da apamba haijaba thung hanbikhi (Esther 5:6). Adugumlaba ningthouna haijaba paokhumbiradi ningthou singgi ningthou oiriba Iswar aduna eikhoigi haijaba karigi paokhumbiroidou-ino.

Misinggi damakta haijaba ngamnaba eikhoi gi thamoi asi nungshibana pik thanba mathou tabani. Nungshibana pik thanduna Jesuna su angakpa thabak toukhibani. Nungshibana pik thanduna Mahakna misinggi damakta haijakhibani.  (Gospel of John, chapter 17).  Christagi nungsgiba adu nangonda leiba matamda nahakna hougattuna haijabagi lanmi oirakkani.

Nahakna misinggi damakta haijakhiba matamda Jesuna su nanggi nanakta leple hairaga Ipa Iswarda nanggi haijaba adu pusinbibani. Bible na hai, “Eikhoigi Purohit len asidi eikhoigi asonba matoubu khangbidaba natte adubu maram khudingmakta eikhoida toubagumna athembagi changyeng touraba phaoba paptoukhidaba aduni. ” (Hebrews 4:15) Misinggi damakta haijaba misingna hekta paokhum phangde haina pukning hantharoidabani, adubu leppa leitana haijagadabani.  (1 Thessalonians 5:17).

Eikhoigi mityengna eikhoigi haijaba asi thengmalle haina khankhibasu yai. Adubu haijabasi Keidoungeidasu leploigadabani. Thengba mallabasu Iswarna eikhoigi haijaba asi soidana paokhumbigani. Nangbu nlnungshibiba Iswar aduna nanggi haijaba lousinbigani. Haijaba lanmi oiriba Mahakna nanggi haijaba adusu thunghanbigani.

Dhyan tougadaba: Samuel na asumna hai khi, “Israel machasingbu Mizpahda tinnahallu, eina makhoigi damakta haijabigani. ” (1 Samuel 7:5)